ISAI 17:10 - Pathien Lekhabu Inthieng (BSI)

¹⁰ Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 17:10 ပူးပေါင်းရင်းမြစ်များ

1 CHANCHIN SUINA 16:35

A kuoma chun, “Aw Pathien, nang kan sandamna, mi sandam la, Nangin mi ṭhuoi khâwmin, hnamhai laia inthawk chun mi sanhim la, I hming inthieng kuoma lâwmthu hril ding le, Nangma inpâknaa chawimawi ding in,” ti ro.

INPÂKNA HLABU 106:13

Nisienlakhawm, a thilthawhai chu an theinghil vak ta a, A remruot chu an nghâk pei naw a.

INPÂKNA HLABU 106:21

Pathien an sandamtu an theinghil ta a, Aigupta rama thil ropuitak tak thawtu chu;

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 31:2

Keia tieng hin i na hung sit la, mi sanhim vat la, Ka ta dingin lungpui dettak, mi sandam dinga humhimna in, hung ni rawh.

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

INPÂKNA HLABU 79:9

Aw Pathien a mi sandamtu, i hming ropuina dingin mi ṭhangpui la, I hming leiin mi sanhim la, kan suolhai hi hung sâwp fai rawh.

INPÂKNA HLABU 85:4

Aw, a mi sandamtu Pathien, mîn nghatkîrtir la, Kan chungah i lunginsenna chu sukbo rawh.

INPÂKNA HLABU 9:17

Mi rilohai chu Seola chun kîr nâwk an ta, Hnam tin Pathien theinghil hmang hlakhai chu.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 17:9

Chu nia chun an khaw dettakhai chu rampui le tlâng sîpa hmun tlânsan hnung, Israel thlahai hmaa an tlânsan hnung ang khan nîng a tih; chuongchun, hmun râusan ni tâng a tih.

ISAI 18:5

Grêp lo hun hmaa, a pâr a rêm a, a pâr chu grêp puoma a hung inchang pha chun, a kauhai tê chu theikûng ât bawngnain a ât bawng ding a ni si a; a kau inzâm darhai chu la hmangin ât bawng bawk a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 26:4

Lalpa chu kumkhuoin ring ro; Lalpa JEHOVAA chun kumkhaw lungpui chu a um si a.

ISAI 30:29

Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 33:2

Aw Lalpa, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 51:13

Lalpa nangni siemtu, vân keiphara leihnuoi innghatsanhai phûmtu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i ni a? Nêksâwrtu lunginsenna chu khâwlai am a um ta a le?

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

JEREMIA 12:13

Bu an chîng a, hling an sîk a; anni chu an insukna a, nisienlakhawm, iengkhawm a hlawk nawh, Lalpa lunginsenna ṭiumtak lei chun i rahai chu inzapui i tih.

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

JEREMIA 3:21

Bâwlhmun tlângahai chun râwl hriet a na; Israel nauhai ṭapna le hnina chu; chu chu lei chun an lampui chu an lo sukhran ta a, Lalpa an Pathien chu an theinghil tah a nih.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

EZEKIEL 23:35

“Chuleiin, Lalpa Pathien chun hieng hin a tih: Kei i mi lo theinghil ta a, i hnungah i mi pei ta a, chuleiin, i hurna le i nawchizawrnahai chu nangin phur rawh,” tiin.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

JOEL 1:17

Chihai chu hnuoitlang hnuoia chun a hmawn a; zênghai chu a sie a, bu inhai chu ṭhiekin a um a, a bu chu a vuoi zo ta si a.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

HABAKKUK 3:18

Lalpaa chun hlim ka ta, Ka sandamna Pathiena chun lâwm ka tih.

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

DÂN PAHNINA 28:30

Nuhmei huol in ta, mi dangin zâlpui an tih; in bâwl in ta, hluo ruok chu hluo naw ti niu; grêp huon siem in ta, a ra chu sawr naw ti niu.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 32:18

A thlatu che Lungpui chu i ngaisâng naw a, A siemtu che Pathien i theinghil bawk.

DÂN PAHNINA 32:31

An lungpui chu ei Lungpui ang a ni naw a, Ei hmêlmahai ngei ngaidân khawma.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu Lalpa chu theinghil el rawi in tih.

DÂN PAHNINA 8:11

“A thupêkhai, a thuruothai, a rorêlhai, vawisûna ka pêk cheu hi zâwm lovin Lalpa in Pathien chu theinghil khat rawi in tih, fîmkhur ro;

DÂN PAHNINA 8:14

in lungril hung chapo a ta, suok in nina Aigupta rama inthawka ṭhuoi suoktu cheu Lalpa in Pathien chu theinghil hlau rawi in tih.

DÂN PAHNINA 8:19

Lalpa in Pathien chu in theinghil a, Pathien danghai in zui a, a rawng dâm in bâwl a, in biek hlau chun, bohmang ngei ngei in tih ti vawisûn hin kân hriettir cheu.