ISAI 17:1 - Pathien Lekhabu Inthieng (BSI)

¹ Damaska khaw phurrik chu. Ngai ta, Damaska chu khawpui ni ta lo dingin lâk hmang a ni tah; chuongchun, in chim khâwm el ni tâng a tih.

ISAI 17:1 ပူးပေါင်းရင်းမြစ်များ

INṬANNA 14:15

Chun, zâna chun anni chu thaw dingin ama le a suokhai chu an insem dar a, annirawi chu an that a, Hoba chenin an hnawt a (Hoba chu Damaska hmâra um a nih).

INṬANNA 15:2

Abram ruok chun, “Aw Lalpa Pathien, iengam mi pêng i ta? nau nei lovin ka um sawng ding a na, ka ro inkhâwmtu ding chu Damaskaa mi Eliezer hi a ni si a,” a ti a.

1 LALHAI 11:24

Davidin Zoba khuoa mihai a that khan, ama chun a kuomah mihai a kei khâwm a, sipai hotuah a hung ṭhang ta a; chun, Damaska khuoah an fe a, chutaka chun an um a, Damaska khuoa chun lalin a um ta a.

2 LALHAI 16:9

Chun, Assuria lal chun a thuhril chu a lo zâwm a; chuongchun, Assuria lal chun Damaska khuo chu a hang thaw a, a lâk a, a mihai chu Kir ramah salah a ṭhuoi a, Rezin chu a that a.

1 CHANCHIN SUINA 18:5

Chun, Damaskaa Suria mihai chu Zoba lal Hadarezer ṭhangpui dinga an hung chun David chun Suria mi sîng hni le sâng hni chu a that a.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

2 CHANCHIN SUINA 28:5

Chuleichun, Lalpa a Pathien chun Suria lal kuta chun ama chu a pêk ta a, ama chu an hung thaw a, a mi tamtakhai chu salah an ṭhuoi a, Damaskaa chun an hung ṭhuoi tâwl ta a. Nasataka thata hnetu Israel lal kuta chun ama khawm chu pêk a ni ta a.

ISAI 10:9

Hamath khuo chu Arpad khuo ang el a ni tah a ni naw am a nih? Samari khuo chu Damaska khuo ang el a ni tah a ni naw am a nih?

ISAI 13:1

Babulon phurrik Amoz naupa Isaiin a hmu chu.

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni lova siemin a um ta si a; zân khat kârin Moab rama Kir khuo chu suksietin a um a, iengkhawm ni lova siemin a um ta si a.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 25:2

Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.

ISAI 37:26

Keimain inhmaa inthawka chuong chu ka thaw a na, tienlaia chuong chu ka siem an nih ti i hriet nâwm a nih? Khuo kulpui neihai kha in chim khâwm el anga suksetu i ni theina dingin tuhin kân tlungtir a ni ta hi.

ISAI 7:16

Naupang chu thil ṭha naw tieng dit naw nachâng le thil ṭha tieng dit nachâng a hriet hma khawmin lal pahni i theidahai ram chu rausanin um a tih.

ISAI 7:8

Suria lu chu Damaska a na, Damaska lu chu Rezin ringawt hi a ni el si a; kum sâwmruk le kum nga bo hmain Ephraim chu chi ti tlâk lova um dingin suksiet vawngin um a tih;

ISAI 8:4

Naupang chun, ‘Nu, Pa,’ ti nachâng a hriet hma khawmin Damaska hausaknahai le Samaria inthawka râllâk sumhai chu Assuria lal hmaah an fe hmangpui ding a ni si a,” a ta.

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

MIKA 1:6

Chuleiin, Samaria chu phûla thil se um khâwm angin siem ka ta, grêp huon hmun ang elin; chun, chu hmuna lunghai chu vadung ruom tieng inhlum thlâng ka ta, a lungphûmhai chu suklang ka tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 9:1

Hadrak ram chunga Lalpa thu phurrik chu, Damaska chu ân nghatna hmun nîng a tih; mihriem le Israel hnam po po mit chu Lalpa tieng a ngha ta si a;

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hni a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

DÂN PAHNINA 13:16

Râllâk sum po po chu khawlaiah la khâwm in ta; chun, khuo le râllâk sum po po chu Lalpa in Pathien kuomah pumrawhmang thilinhlân dingin râwng in ta, pil pâwng el ni kumkhuo tâng a tih, inngîr ni nâwk ta ngai naw nih.