ISAI 16:9 - Pathien Lekhabu Inthieng (BSI)

⁹ Chuleiin, Sibma grêp hrui chu Jazer ṭain ṭâng ka tih; aw Hesbon le Eleale, ka mitthli hin buok ka ti che: i nipui rahai chunga le i bu sîk chunga chun indona ri chu a tla ta si a.

ISAI 16:9 ပူးပေါင်းရင်းမြစ်များ

ISAI 9:3

Hnam chu i suktam ta a, an hlimna khawm i sukpung ta a; bu sîk laia hlim angin i hmaah an hlim ta a, miin râllâk sum an sema an hlim ang elin.

JEREMIA 40:10

Keia chungthua chun, ngai ta u, eini kuoma hunghai, Kaldaihai hmaa ngîr dingin Mizpaa hin ka chêng ding a na; amiruokchu, nangni chun uoin le nipui theirahai chu la khâwm unla, hriek leh, in bâwmahai chun sie unla, khawpui in lâk tahaia chun chêng el ro,” tiin.

JEREMIA 40:12

Judahai po po chu hnawthmang an nina hmun senga inthawk chun an hung kîr a, Juda ramah, Mizpaa Gedalia kuoma chun an hung a, uoin le nipui thei rahai chu tamtak el chu an lâk khâwm ta a.

EZEKIEL 27:31

I ta dingin invâwkawl an ta, saiip puonin inthuom an ta, Rinumtitaka sûna, lungrila natitakin ṭâng an ti che!

EZEKIEL 32:18

“Mihriem naupa, Aigupta mipui ta ding chun ṭap inrûm la, vânsama lo fe thla tahai le chun, hnuoi khingtieng panga chun, hnam hming inthangtak tak naunuhmeihai le, ama leh pei thla rawh.

RORELTUHAI 9:27

Chuongchun, lo tieng an fe a, an grêphai chu an lo a, an chîl a, ruoi an ṭhe a, an pathien inah an lût a, an fâkin an dâwn a, Abimelek chu an deusaw a.