ISAI 16:2 - Pathien Lekhabu Inthieng (BSI)

² Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

ISAI 16:2 ပူးပေါင်းရင်းမြစ်များ

2 LALHAI 3:4

Chun, Moab lal Mesa chu berâm vai mi a na, Israel lal kuoma chun berâmchal nuoi khat hmul le berâmte nuoi khat leiman dingin a pêk hlak a.

THUVARHAI 26:2

Chawngzawng ân vâk ân vâk ang le, peleu a vuong lai angin, A san boa ṭawngse inphurna chu a fu ngai nawh.

THUVARHAI 27:8

Mi a hmuna inthawka invâk suok chu, Vate a bua inthawka invâk suok ang chu a nih.

ISAI 13:14

Chun, sakhi hnawt zêk ang le, berâm tukhawm ikhal khâwm lo angin mi tinin mâni chipuihai tieng seng nghâng an ta, mi tin mâni ram tieng seng tlân hmang an tih.

JEREMIA 48:20

Moab chu sukzakin a um a; suksiet a ni ta si a; ṭap inrûm unla, ṭap ro; Arnona chun va hril unla, Moab suksieta a um tâk thu chu.

JEREMIA 48:46

Aw Moab, i chung a va rik de! Kemosa mihai chu hmanglo an nih, i naupasalhai chu sala ṭhuoiin an um a, i naunuhmeihai khawm chu salah an intâng si a.

JEREMIA 48:9

Moab kuoma chun a vuong hmang theina dingin thlahai pe la: a khawpuihai chu râusan a ni ding a na, mi a chêng hrim hrim um lovin.

NAMBAR 21:29

Arnon hmun insâng lalhai chu, I chung a rik de, Moab! I bohmang a ni tah, aw Kemos chibai bûktuhai, A naupasalhai chu tlânse ding le, A naunuhmeihai chu sala um dingin a pêk a, Amor mihai lal Sihon kuomah.

DÂN PAHNINA 2:36

Arnon ruom sîra Aroera inthawk le ruoma khaw uma inthawka Gilead chenin ei ta dingin insâng taluo khuo hrim a um dêr naw a, Lalpa ei Pathien mi pêk vawng a nih.

DÂN PAHNINA 3:12

“Chu ṭum chun, chu ram chu ei hluo a; Arnon ruom kâwla Aroera inthawkin Gilead tlâng ram chenve chenin, chutaka khaw umhai leh, Reuben mihai le Gad mihai ka pêk a;

DÂN PAHNINA 3:8

Chu ṭum chun Jordan râla um Amor mihai lal pahni kuta inthawk chun Arnon ruoma inthawka Hermon tlâng chenin ei lâk a;

JOSUA 13:16

An ramri chu Arnon ruom sîra um Aroer khuoa inthawka ruom laitaka khawpui le Medeba phai ram po po;

RORELTUHAI 11:18

Chu zoah thlalêr chu an fe thleng a, Edom ram le Moab ram chu an fe huol a, Moab ram saktieng pangah an fe a, Arnon khingtieng pangah an inkul a, Moab ram sûnga chu an lût dêr naw a nih, Arnon chu Moab ramri chin a ni si a.