ISAI 16:12 - Pathien Lekhabu Inthieng (BSI)

¹² Chun, Moab chu ân lang pha chun bâwlhmuna insuksâwla, ṭawngṭai dinga a hmun inthienga a hung pha chun hlawtling naw nih.

ISAI 16:12 ပူးပေါင်းရင်းမြစ်များ

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

1 LALHAI 18:29

Chun, nisa a hung inher chun zân tieng inthâwi hun chen ding hin an hril ruol duol duol zing a, nisienlakhawm, râwl riva hrim hrim a um naw a, dawntu ding hrim hrim amanih, a lo ngaisaktu hrim hrim amani khawm an um bawk naw a.

2 LALHAI 19:12

Hnam tin pathienhai chun ka pi le puhaiin an sukbohmanghai kha an sanhim hlak am a nih? Gozan dâm, Haran dâm, Rezeph dâm, Eden nau hai Telassar khuoa umhai,

2 LALHAI 3:27

Chun, a naupasal upatak ama aia rorêl ding chu a lâk a, kul chunga chun pumrawhmang thilinhlân dingin ân hlân ta a. Israel mihai chunga chun lunginsenna nasatak chu a um ta a, chuongchun, ama chu an mâksan a, an rama chun an kîr nâwk ta a.

THUVARHAI 1:28

Chun, kei chu mi hung ko an ta, nisienlakhawm, dawn naw ningah; Nguntakin mi hung zawng an ta, nisienlakhawm, mi hmu naw hi hai.

ISAI 15:2

Dibon mipui chu bâwlhmuna hai chun ṭap dingin an hang fe a, Moabhai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 16:13

Chuong chu Moab chungchâng thu Lalpain kha hmaa a hril kha a nih.

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

ISAI 37:38

Chun, a pathien Nisrok ina chun pathien a biek laiin a naupasalhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût ta a. Chun, a naupa Esar-haddon chun ama aiawin ro a rêl ta a.

ISAI 47:13

I remruot a tam êm leiin i sâwl ta a ni hi: tuhin chu vân semtuhai, arasi thlîrtuhai, thlakipa thu hrillâwktuhai chu ngîr sienla, i chunga thil hung tlung dinghaia inthawk chun sanhim raw se che.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

JEREMIA 48:35

Chu nawa khawm, Moaba chun bâwlhmuna thilinhlân le, ama pathien kuoma riminhnik râwtu chu suktâwp ka tih, Lalpa chun a tih.

JEREMIA 48:46

Aw Moab, i chung a va rik de! Kemosa mihai chu hmanglo an nih, i naupasalhai chu sala ṭhuoiin an um a, i naunuhmeihai khawm chu salah an intâng si a.

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

NAMBAR 21:28

Hesbona inthawkin mei a suok a, Sihon khawpuia inthawk chun meichawk, Moaba Ar a kâng zo a.

NAMBAR 22:39

Chuongchun, Balaam chu Balak kuoma chun a fe ta a; Kiriath-buzoth an va tlung ta a.

NAMBAR 22:41

Chun, a zinga chun Balak chun Balaam chu a ṭhuoi a; Baal hmun insâng haia chun a hang fe pui a, chutaka inthawk chun, Israel mipui po po a hmu phâk a.

NAMBAR 23:14

Chuongchun, Zophimhai umna Pisga sîpa chun a hang ṭhuoi a, maichâm pasari a siem a, maichâm tina chun bâwngchal pakhat le berâmchal pakhat ân hlân a.

NAMBAR 23:28

Chuongchun, Balak chun Balaam chu thlalêr zuk suk en Peor sîpah a ṭhuoi a.

NAMBAR 24:17

‘Ama chu ka hmu a, tuta a um ang ni lo hi, Ka thlîr a, hnaitea mi ang ni lovin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.