ISAI 15:3 - Pathien Lekhabu Inthieng (BSI)

³ An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.

ISAI 15:3 ပူးပေါင်းရင်းမြစ်များ

2 SAMUEL 3:31

Chun, David chun Joab le a kuoma mipui po pohai kuoma chun, “In puonhai chu keithlêr unla, saiip puon sil unla, Abner chu sûn ro,” a ta. Chun, lal David chun hlâng chu a zui a.

2 LALHAI 6:30

Chun, lal chun chu nuhmei thuhril chu a hriet chun a puon a keithlêr ta a, (kul khotlânga a fe lai a nih) chun, mipuihai chun an hang en a, ngai ta, a pang depa chun saiip puon hi a lo sil zing a.

ISAI 15:2

Dibon mipui chu bâwlhmuna hai chun ṭap dingin an hang fe a, Moabhai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

ISAI 22:4

Chuleiin, kei chun, “Mi en lovin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka ti a.

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

JEREMIA 19:13

Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

DÂN PAHNINA 22:8

“In thar in bâwl chun, chutaka chun mi dâm an tla a, in in chu thisen insuona in a hung ni nawna dingin in inchung chu in inhuon ding a nih.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

1 SAMUEL 5:12

A thi mahlahai khawm chu pânsiein an na tâwl a; chuongchun, chu khaw khêkri chun vân khi a hang tlung hiel a nih.