ISAI 15:2 - Pathien Lekhabu Inthieng (BSI)

² Dibon mipui chu bâwlhmuna hai chun ṭap dingin an hang fe a, Moabhai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 15:2 ပူးပေါင်းရင်းမြစ်များ

2 SAMUEL 10:4

Chuongchun, Hanun chun David mihai chu a man a, an khâkhmul chenve a vâwpêk a; chun, an silfênhai chu a laitakah an mawng tlung chauin a tanpêk bawk a, ân fetir ta a.

1 CHANCHIN SUINA 19:4

Chuongchun, Hanun chun David siehlawhai chu a man a, an hmul a vâwpêk a, an silfênhai chu a laiah, a mawng tlung rakin a thlêrpêk a, anni chu a tir hmang ta a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 15:3

An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.

ISAI 16:12

Chun, Moab chu ân lang pha chun bâwlhmuna insuksâwla, ṭawngṭai dinga a hmun inthienga a hung pha chun hlawtling naw nih.

ISAI 16:7

Chuleiin, Moabhai chu Moabhai chunga chun khêk rak rak an ta, mi tin chu khêk rak rak an tih: Kir-hareseth grêp inhro hlawm chu lungsetakin la ṭâng in tih.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

JEREMIA 3:21

Bâwlhmun tlângahai chun râwl hriet a na; Israel nauhai ṭapna le hnina chu; chu chu lei chun an lampui chu an lo sukhran ta a, Lalpa an Pathien chu an theinghil tah a nih.

JEREMIA 47:2

Lalpa chun hieng hin a tih: Ngai ta u, hmârtienga inthawkin tuihai a hung lien a, vadung kuong lêt hung nîng a ta, ram le a sûnga umhai le khawpui le a sûnga umhai le chun hung lêtkhum a ta; mihai chu khêk an ta, ram hluotuhai po po ṭap inrûm an tih.

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu iengkhawm lova siem a ni ta a; chun, nang le nang ieng chen am în ât ding a na?

JEREMIA 48:1

Moab chungthu chu, Sipaihai Lalpa, Israel Pathien chun hieng hin a tih “Nebo chu a chung a rik! suksiet a ni ta si a; Kiriathaim chu sukzakin a um a, lâkin a um ta a; Misgab chu sukzakin a um a, sukchimin a um ta bawk a.

JEREMIA 48:18

“Aw nang Dibona chêng naunuhmei, i ropuinaa inthawkin hung thla la, dangchârin ṭhung rawh; Moab suksetu chu i chungah a hung tlung a, i kul nghethai chu a suksiet ta si a.

JEREMIA 48:31

Chuleiin, Moab ta ding chun ka ṭap inrûm ding a nih; anih, Moab po po ta ding chun khêk ka tih; Kir-heres mihai chu ka ṭa ding a ni si a.

JEREMIA 48:35

Chu nawa khawm, Moaba chun bâwlhmuna thilinhlân le, ama pathien kuoma riminhnik râwtu chu suktâwp ka tih, Lalpa chun a tih.

JEREMIA 49:3

Aw Hesbon ṭap inrûm rawh, Ai chu suksiet a ni ta si a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni si a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

EZEKIEL 27:31

I ta dingin invâwkawl an ta, saiip puonin inthuom an ta, Rinumtitaka sûna, lungrila natitakin ṭâng an ti che!

EZEKIEL 30:2

“Mihriem naupa, hril la, hieng hin hril rawh, Lalpa Pathien chun hieng hin a tih: Ṭapinrûm unla, chungrikna ni chu!

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

LEVI DÂN 13:40

“Mi a sam a tla kawl chun lukawl a na; nisienlakhawm, ân thieng a nih.

LEVI DÂN 21:5

Thiempu chun an lu an vaw kawl ding a ni naw a, khâkhmul sîr tuok an mêt ding a ni bawk naw a, an taksa chu an ât pawp ding a ni bawk nawh.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

NAMBAR 21:28

Hesbona inthawkin mei a suok a, Sihon khawpuia inthawk chun meichawk, Moaba Ar a kâng zo a.

NAMBAR 21:30

Kan hang kâp a, Hesbon a bohmang a, Dibon chenin. Nopha chenin ka sukrêm a, Medeba tlung rakin,” an tih.

NAMBAR 32:3

“Astaroth, Dibon, Jazer, Nimra, Hesbon, Eleale, Sebam, Nebo le Beon dâm

NAMBAR 32:38

Nebo dâm, Baal-meon dâm, (an hminghai hi sukdanglam a ni tah), Sibma dâm an indin a; an khuo siemhai chu hming dang an inbûk a.

DÂN PAHNINA 14:1

“Lalpa in Pathien nauhai in ni a, mithi leiin in inât ding a ni naw a, in mit inkâr mithmul in vâw kawl ding a ni bawk nawh,

DÂN PAHNINA 34:1

Chun, Mosie chu Moab phaia inthawkin Jeriko zâwna Nebo tlâng, Pisga tlâng sîpa chun a hang lâwn a. Lalpa chun Gilead ram po po, Dan chenin ân entir a;