ISAI 15:1 - Pathien Lekhabu Inthieng (BSI)

¹ Moab ram phurrik chu. Zân khat kârin Moab rama Ar khuo chu suksietin a um a, iengkhawm ni lova siemin a um ta si a; zân khat kârin Moab rama Kir khuo chu suksietin a um a, iengkhawm ni lova siemin a um ta si a.

ISAI 15:1 ပူးပေါင်းရင်းမြစ်များ

2 LALHAI 3:25

Chun, khawpuihai chu an sukchim a, ram ṭhatna hmun poah mi tinin lung an pei seng a, an suksip pei a; chun, tuikhur hnâr nei po po chu an sukbit bawk a, thing ṭhahai po po chu an phûrthlûk a, Kir-hareseth khuoa lung chau an mâksan a; nisienlakhawm, vailungdêngna dêng mihai chun an inhuola, an rûn ta a. .

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 13:1

Babulon phurrik Amoz naupa Isaiin a hmu chu.

ISAI 14:28

Lal Ahaz thi kum khan hi phurrik hi a hung um ta a.

ISAI 16:11

Chuleiin, ka rîhai chu Moab lunginsiet leiin ṭingṭang angin ân ri a, ka phîng sûng chu Kirheres lunginsiet leiin ṭingṭang angin ân ri bawk a.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

ISAI 16:7

Chuleiin, Moabhai chu Moabhai chunga chun khêk rak rak an ta, mi tin chu khêk rak rak an tih: Kir-hareseth grêp inhro hlawm chu lungsetakin la ṭâng in tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 25:12

Chun, i kul banghai, in insâng kulpui chu sukchimin, sie hnuoiin, hnuoiah, pilvut tlung khawp rakin sukthlûng a tih.

JEREMIA 9:26

Aigupta dâm, Juda dâm, Edom dâm, Ammon thlahai le, Moab thlahai, barêp hmul vawa thlalêra chênghai po po le chun, chuong hnamhai po po chu sertan lo an na, Israel sûngkuohai po po chu lungrila sertan lo an nih.

NAMBAR 21:28

Hesbona inthawkin mei a suok a, Sihon khawpuia inthawk chun meichawk, Moaba Ar a kâng zo a.

DÂN PAHNINA 2:18

‘Vawisûn hin Moab ram Ar chu i fe thleng ding a na;

DÂN PAHNINA 2:19

chun, Ammon thlahai ep i va tlung hnai pha khawm sukbuoi naw la, thaw bawk naw rawh; Ammon mihai ram chu i puolah ka pêk naw ding che a nih; Lota thlahai puolah ka pêk tah a nih.

DÂN PAHNINA 2:9

Chun, Lalpain ka kuoma, ‘Moab mihai chu sukbuoi naw unla, râl thawin thaw naw ro; an ram chu in puola dingin ka pêk naw ding cheu a nih, Lota thlahai puolah Ar chu ka pêk tah a nih.