ISAI 14:9 - Pathien Lekhabu Inthieng (BSI)

⁹ Hnuoi tienga inthawka Seol chu i hung tlung tuok ding chein, nangma leiin a buoi mur mur a nih; mithi, hnuoia ṭhuoituhai po po chu, nangma leiin a chawktho a, hnam tin lal po pohai chu an lalṭhungphaa inthawk chun a keitho tah.

ISAI 14:9 ပူးပေါင်းရင်းမြစ်များ

THUVARHAI 15:24

Mi var lampui chu hringnaah a tungin a kai, Hnuoi tienga Seol chu a mâksan theina dingin.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka ta a, chuongchun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

EZEKIEL 26:20

Chun, tienlaia mihai vânsama ṭumhai kuoma chun ṭhuoi ka ti che a, vânsama lo fe thla tahai lai, tienlaia inthawka râusana um tah hmuna hai, leihnuoi hnuoi tieng panga chêng dingin siem ka ti che a; hluo ni ta ngai hrim hrim naw ti ni; chun, mi hring rama chun i ropuina chu sie bawk ta naw ning;