ISAI 14:29 - Pathien Lekhabu Inthieng (BSI)

²⁹ Aw Philistin ram pumpui, nanga vuokna che hmawl chu a tliek ta leiin lâwm naw: rûl zunga inthawk chun rûlhmuk a hung suok ding a ni si a; a ra chu rûl chawk vuong thei la nîng a tih.

ISAI 14:29 ပူးပေါင်းရင်းမြစ်များ

2 LALHAI 18:8

Philistin mihai chu Gaza khuo chenin a ram chin po po leh, râl vêngtuhai in insânga inthawka kul nei khuo chenin a hne vawng a.

2 CHANCHIN SUINA 26:6

Chun, a fe suok a, Philistin mihai ân dopui a; Gath kul le, Jabne kul le Asdod kul chu a suksiet a; chun, Philistin mihai laia le Asdod biela chun khuohai a siem bawk a.

2 CHANCHIN SUINA 28:18

Philistin mihai khawma Juda ram Simtienga phaia khawpuihai chu an hung rûn a, Beth-semes hai, Aijalon hai, Gederoth hai, Soko hai an khawperhai leh, Timna le a khawperhai leh, Gimzo le a khawperhai leh an lâk a, chuongahai chun an um a.

THUVARHAI 24:17

I hmêlma a tlûk lai chun hlim naw la, Ama chu pei thlûk a ni laiin i lungril chu lâwm naw raw se.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 11:8

Chun, nau nêne ne lai chu rûlriel kuo khotlângah inhnel tâng a ta, nau nêne nêk bân ta chun rûlhmuk intawmkûk kuo khotlânga chun a kut innghat a tih.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an ni a, ram dang mi nauhai leh kut le kut an inben leiin, i mi Jakob sûnghai chu i mâksan ta si a.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

JEREMIA 47:1

Pharaoin Gaza a rûn hmaa, Philistin mihai chungthua zâwlnei Jeremia kuoma Lalpa thu hung tlung chu.

ṬAP HLA 2:17

Lalpa chun thaw a itum chu a thaw ta a; Tienlai nihaia thu a pêk thuhai chu a hung sukpuitling ta a; A pei thlâk ta a, a lunginsiet naw a; Hmêlmahai chu lâwmin a siem ta a; I hmêlmahai ki chu a chawimawi ta a ni hi.

EZEKIEL 25:15

“Lalpa Pathien chun hieng hin a tih: Philistin mihai chu phuba lâk angin an lo sawisakin, theida zing zinga sukse dingin lungrila hmusit pumin phuba an lo lâk a,

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher ta a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 35:15

Râusan a ni leia Israel sûngkuo rochan chunga chun i lo hlim ta ang khan, i chungah chuong ang tak chun ka thaw ding a nih; Aw Seir tlâng, Edom tlâng po po, a rêng elin, râusan nîng in tih; chun, Lalpa chu ka nih ti mi hre tâng an tih.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina si a.

JOEL 3:4

Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

AMOS 1:6

Lalpa chun hieng ang hin a tih, “Gaza khaw bawsietna pathum leiin, anih, pali leiin, a hremna sukbo naw ning; Edom mi kuoma pêk dingin mi po po sala an ṭhuoi leiin;

AMOS 1:8

chun, Asdod khuoa inthawka hluotuhai le Askelon khuoa inthawka lal hmawl chawituhai chu sukbohmang ka tih; chun, Ekron khaw chungah ka kut inlet ka ta, chun, Philistin mi la umhai chu bohmang an tih,” Lalpa Pathien chun a tih.

OBADIA 1:12

Nisienlakhawm, i unaupa sal intangna niah khan a ni kha in thlîr el ding a ni naw a; Juda nauhai sietna niah khawm khan an chungah i hlim ding a ni nawh; an rinumna niah khawm khan chapotakin i ṭawng ding a ni nawh.

MIKA 7:8

Aw ka hmêlma, mi diriem el naw rawh, ka tlûk pha khawm tho nâwk ka tih; inthima ka ṭhung khawmin Lalpa chu ka ta dinga var nîng a tih.

ZEPHANIA 2:4

Gaza chu mâksanin um a ta, Askelon chu râusanin, Asdod chu sûn changlai hnawt suok an ta, Ekron chu a zunga phawi dawk a ni ding a ni si a.

ZEPHANIA 2:5

Kereth hnam, tuipui kama chênghai chu an chung a va rik de! Aw Kanaan, Philistin mihai ram, Lalpa thu chu nangma chungah a hung tlung a nih; Suksieng ka ti che a, a hluotu che um naw ni hai.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

ZEKARIA 9:5

Askelon chun hmûng a ta, ṭîng a tih; Gaza khawmin hmûng a ta, nasataka suknatin um a tih; chun, Ekron khawm, a beiseina chu a thlâwn ding a ni si a; Gazaa inthawk chun lal chu bohmang a ta; Askelon khawm chu hluo ni ta naw ni.

NAMBAR 21:8

Chun, Lalpain Mosie kuomah, “Rûl mi chuk na chi kha a lim siem la, banah khai rawh; rûl chuk taphawtin chu chu an en chun dam an tih,” a ta.

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,