ISAI 14:2 - Pathien Lekhabu Inthieng (BSI)

² Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun Lalpa rama chun anni chu suokpaahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 14:2 ပူးပေါင်းရင်းမြစ်များ

EZRA 2:65

chunawa chun an rawngbâwltu nuhmeihai le pasalhai chu sâng sari za thum sâwmthum pasari an na; chun, hlasak mi nuhmei le pasal khawm za hni an nei bawk a.

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 31:8

“Chu pha chun Assuria mi chu, mihriem kâwlhnâma sukthlûk ni lovin, kâwlhnâm sukthlûkin um a tih; chun, kâwlhnâm mihriemhai ta ni lovin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasalhai chu hlataka inthawkin hung an ta, i naunuhmeihai chu hung pawm an tih.

ISAI 61:5

Ram dang mihai chun in ran ruolhai chu ngîrin intlattir an ta, hriet ngai naw mihai chu in hnuoi inlettuahai le in grêp hrui enkawltuahai um an tih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nangma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

EZEKIEL 39:10

chuongchun, rama inthawkin thing la naw ni hai a, rampui hnuoia inthawkin pakhat khawm phûr bawk naw ni hai; hriemhreihaiin mei an ti ding a ni si a; anni suksetuhai chu suksieng an ta, anni inruhmangtuhai chu inruhmang an tih, Lalpa Pathien chun a tih.

DANIEL 7:18

Nisienlakhawm, Achunghnungtak mi inthienghai chun ram chu chang an ta, chatuon, chatuon chenin ram chu nei an tih,’ tiin.

JOEL 3:8

In naupasalhai, in naunuhmeihai chu Juda nauhai kutah zawr ka tih; anni chun hlatakah Seba mihai kuomah anni chu zawr an ta, Lalpa chun a ti tah a nih,” tiin.

LEVI DÂN 25:44

Suoknu le suokpaa i nei ding chu: in vêla hnam laia mi, suoknu le suokpa ding chun în châwk ding a nih.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

ZEKARIA 2:13

Mi po pohai, Lalpa hmaa chun to ṭhiep ro khai: a chêngna inthienga inthawk chun a hung thohar ta si a.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai Lalpa chun kei a mi tir a nih ti hre tâng in tih.

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:27

Anih, lungnitaka an thaw a nih, an kuomah an bat hrim bawk a; Jentailhaiin an thlarau tieng thilah an in ṭâwmpui si chun, khawvêl tieng thilin anni sawmdâwl ve thung a ṭûl hrim a nih.

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

EPHESI 4:8

Chuleichun, “Chung tienga a hang fe lai khan, Sal intânghai chu a ṭhuoi a; Mihriemhai kuoma khawm, Thilpêkhai a pêk a,” a ti chu.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.