ISAI 14:12 - Pathien Lekhabu Inthieng (BSI)

¹² “Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

ISAI 14:12 ပူးပေါင်းရင်းမြစ်များ

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

JEREMIA 50:23

Hnuoi chung po po tubau iengtiziea tlieka innawi el am a ni aw! Iengtiziea Babulon chu hnamhai laia chun râusana um el am a ni aw!

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

ṬAP HLA 2:1

Zion naunu chu Lalpa chun a lunginsena iengtiziea sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

EZEKIEL 26:17

Chun, nangmaa chun sûnna hla phuok an ta, i kuoma chun, ‘Khawpui hmingthang, tuipuia chêng mihai ihluo, Ama le a hluotuhai khawm tuipuia hrât, A hluotuhai po po chunga an ṭiumna inumtir thei hiel chu, Iengtiziea suksieta um el am i ni ta leh!

OBADIA 1:4

Mu angin insângtakah hang vuong la khawm, i bu chu arasi lai khin sep ni sienla khawm, chutaka inthawk chun la thla el ka ti che, Lalpain a tih.

LUKA 10:18

Chun, ama chun an kuomah, “Kâwlinlep angin Setan vâna inthaw- ka hung tla kha ka hmu annaw.

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.

THUPUONGSUO 2:28

keiin ka Paa inthawka thuneina ka hmu ang bawk hin. Chun, Sikhawvar chu ama pêng ka tih.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 8:10

Vântirko pathumna chun a hang mût a; chuongchun, arasi lientak, meiser anga chawk, vâna inthawkin a hung tla a, vadung hmun thuma ṭhea hmun khat le tuikhurhai chu a del ta a.

THUPUONGSUO 9:1

Chun, vântirko pangana chun a hang mût a; chuongchun, arasi, vâna inthawka hnuoia tla sa ka hmu a; chun, vânsam khur chabi chu a kuomah an pêk a,