ISAI 14:1 - Pathien Lekhabu Inthieng (BSI)

¹ Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 14:1 ပူးပေါင်းရင်းမြစ်များ

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta si a anih, hun ruot chu a tlung tah.

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet si a.

INPÂKNA HLABU 143:12

I ngilneina leiin a mi dotuhai chu sukbohmang la, Ka hringna suklungzîngtu po po sukbohmang la; I siehlaw ka ni si a.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

ISAI 19:18

Chu nia chun Kanaan mihai ṭawnga ṭawng le, sipaihai Lalpa kuoma ṭawng inkhâma thu tiem hlakhai chu, Aigupta ram sûngah khaw panga um a ta; pakhat chu Bohmangna Khuo tîng an tih.

ISAI 21:1

Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

ISAI 27:6

Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 41:8

Nisienlakhawm, nangni Israelhai ka siehlaw, Jakob hai ka mi thlang, ka ruolpa Abraham thlahai,

ISAI 41:9

nangni leihnuoi tâwpnaa inthawka ka mi ṭhuoi, a kia inthawka ka mi ko, “ka siehlawhai in nih, pei thla lovin ka thlang lem cheu,” ka itihai,

ISAI 44:1

“Tu ruok hin chu aw Jakobhai ka siehlawhai, aw Israelhai ka ithlanghai, ngai ro khai;

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; Lalpa chun a mihai chu a thlamuon si a, a mi rinum tuorhai khawm chu a lunginsiet ding a ni si a.

ISAI 49:15

Nuhmeiin a naupa, a rîla ra chu, lunginsiet nawna dingin a nau nêne ne lai chu a theinghil thei am a nih? Chuonghai chun an theinghil thei a ni thei a, nisienlakhawm, kei chun theinghil naw ning che.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 56:3

Chun, ram dang mi, Lalpa zâwmtu chun, “Lalpain a mihaia inthawk hin mi suktum ngei a tih,” ti naw raw se; mitillâk chun, “En ta thing ṭâwl el ka ni hi,” ti bawk naw raw se.

ISAI 60:10

Ram dang mihai chun i kul banghai chu rem nâwk an ta, an lalhai khawma i rawng bâwl tâng an tih: ka lunginsen chun ka vuok che a, nisienlakhawm, ka ditsaknain ka lunginsiet si che a ni hi.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

JEREMIA 16:15

amiruokchu, “Lalpa hmâr tieng rama inthawk le, anni a hnawt hmangna ram po poa inthawka Israel mipuihai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni si a.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:8

Chun, chu nia chun hieng hi hung nîng a ta, sipaihai Lalpa chun a tih: I rînga inthawk chun rîngkawl chu sukthliek ka ta, i hruihai chu suktan bawk ka tih; chuongchun, mi hmêlmakhai chun ama rawng chu bâwlpêk ta naw ni hai;

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 50:33

“Sipaihai Lalpa chun hieng hin a tih: Israel mipuihai le Juda mipuihai chu nêksâwrin an um rêl a; anni sala mantuhai taphawt hlak chun an chel det tlat a, an infetir nuom naw a.

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum ta a, Lalpa ina hmun inthienga chun mikhuolhai chu an hung lût ta si a.

EZEKIEL 16:60

Nisienlakhawm, i tleirâwl lai nihaia nang le ka thuthlung chu hre zing ka ta; chun, nang le chun chatuon thuthlung indin ka tih.

EZEKIEL 47:22

Chun, in ta dinga rochan ding le, nangni laia mikhuol pêm um vehai nau le tê nei tahai ta ding chun ṭhum vâwrin sem in ta; Israel thlahai laia chun anni chu a ram mi ang bawk nîng an tih; Israel hnamhai lai chun nangni leh rochan chu an chang ve ding a nih.

ZEKARIA 1:17

La khêk nâwk la, sipaihai Lalpa chun hieng hin a tih: Ka khawpuihai chu hausakna leiin hung inzar lien a ta; chun, Lalpa chun, Zion chu la thlamuon nâwk a ta, Jerusalem chu la thlang nâwk a tih,’ ” tiin.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

LUKA 1:54

A siehlaw Israelhai chu a sawmdâwl ta a, Ei thlatuhai kuoma a lo hril ta ang ngei khan;

LUKA 2:32

Jentailhai kuoma suklangna var le I mi Israelhai ropuina ding chu,” a ta.