ISAI 13:8 - Pathien Lekhabu Inthieng (BSI)

⁸ chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 13:8 ပူးပေါင်းရင်းမြစ်များ

2 LALHAI 19:26

Chuleiin, a sûnga umhai chun hrâtna an nei naw a, an zâm a, an hung muolpho ta kha; phûl hlobet ang le hna hring ang le, in chunga hlobet ang le, bu lien hmaa a hrîin a sukvuoi ang an ni kha.

INPÂKNA HLABU 48:7

Khawsak thliin, Tarsis lawnglienhai chu i suksiet a.

ISAI 26:17

Nuhmei nau vawn, nei hun ta chu, a na hlak a, nauhasea a khêk rawng rawng hlak ang hin, aw Lalpa, keini khawm i hmaah kan um hlak kha.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 30:6

Tuhin indawn unla, en vêl ta u, pasal nauhasea na an um hlak am? Iem a ti a nuhmei nauhase nat tuor ang hrieu a, pasal tin chu a kuthai a taiah innghata, mi tin hmai chu dâng vawnga ka hmu hi?

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 46:5

Iengtizie am an ta le? An beidawng zo a, an hnungtawl ta a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, Lalpa chun a tih.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 49:24

Damaska chu a hung hrât naw a, tlân hmang dingin ân her a; inthinnain ama chu a man a; thuokdawngna le lungngaium chun ama a chel tlat ta a; nuhmei nauhase nat tuor ang elin.

JEREMIA 50:43

Babulona lal chun an ri chu a lo hriet a, a kuthai chu a hung chau a, ama chu lunginzîngna chun a man ta a, nuhmei nauhase nat tuor angin a na ta a.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

EZEKIEL 20:47

chun, Sim rampui kuoma chun, ‘Lalpa thu hi lo ngai la, Lalpa Pathien chun hieng hin a ti a nih: Ngai ta, i sûnga hin mei sêm ka ta, i sûnga thing hring tinrênghai chu kâng hmang a tih, thing ṭâwl tinhai le chun, chun, meichawk lai mei chu rêm el naw ni a, simtienga inthawka hmârtieng pang po po kâng a tih.

HOSEA 13:13

Nuhmei nauha invawi lungngaina ang chu a chungah hung tlung a tih, Ama chu naupa varna nei lo a nih, A huntakah nau hung suokna hmunah a um si nawh.

JOEL 2:6

An hmaa mipuihai chu an thlaphâng a, an hmêlhai chu a hung dâng vawng ta a.

NAHUM 2:10

Sukruokin a um a, sukrêm a ni a, suksiet dêr a nih, lungril chu ân tuihmang a, khûphai chu ân vuoktuo a, kâwng po po chu a na ngawi ngawi a, an rênga hmêl chu a dâng zo vawng a nih.

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.