ISAI 13:6 - Pathien Lekhabu Inthieng (BSI)

⁶ Inrûm rak rak ro, Lalpa ni chu a hnai ta si a, Iengkimthawtheia inthawka suksietna a hung tlung angin a hung tlung ding a nih.

ISAI 13:6 ပူးပေါင်းရင်းမြစ်များ

JOB LEKHABU (THE BOOK OF JOB) 31:23

Pathiena inthawka sietna chu ka ṭi lei le, A ropuina ṭina leiin chuong thilhai chu ka thaw thei naw a nih.

ISAI 10:25

Sâwt nawtêa chun lungninawna chu hrîkthlâkin um tâng a ta, ka lunginsenna khawm anni sukbohmangnain hrîkthlâkin um tâng a tih.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin Lalpa ni chu nasatakin lunginsenna le lunginthakna nasatak leh a hung tlung ding a nih.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 23:1

Tura khaw phurrik chu. Tarsis lawng lienhai, khêk rak rak ro; in hrim hrim um naw khawp le lûtna hrim hrim um naw khawp rauin Tura chu suksietin a um ta hi, chu chu Kupra rama inthawk chun an kuoma suklangin a um a.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 34:8

Lalpa phuba lâk ni a ni ta si a; Zion sêlna kawng thua thungna kum chu.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni lova ṭhuoi hmangin an um si a, Lalpain a ti a, an chunga rorêltuhai chu an khêk tuor tuor a, Lalpain a tih, ka hming hi sûnnithlâk thlâka hrilsietin a um hlak.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 63:4

Phubalâk ni chu ka lungrilah a um si a, ka mi intlanhai kum chu a hung tlung ta bawk a nih.

ISAI 65:14

ngai ta u, ka siehlawhai chu lungrila an lâwm leiin hlimtakin hla sak an ta, nangni ruok chu lungrila in lungngai leiin ṭap in tih, thlaraua in lungngai leiin khêk rak rak in tih.

JEREMIA 25:34

Nangni berâmpuhai, inrûm unla, khêk ro; nangni ran ruol hotuhai, vutah nangni le nangni intleng ro; that in nina ding ni chu a hung tlung ta a, nangni chu kei nâwi neng ka ti cheu a, bêl ditumtak angin tlûng in tih.

JEREMIA 49:3

Aw Hesbon ṭap inrûm rawh, Ai chu suksiet a ni ta si a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni si a.

JEREMIA 51:8

Babulon chu a tlu thut a, suksietin a um a; ama ta dingin ṭap inrûm unla; a natna ta dingin thinghnai damdawi la unla, chuongchun, a hung dam khiet rawi mawh.

EZEKIEL 13:5

A âwnga chun in hang fe naw a, Lalpa nia indonaa ngîrna dingin Israel sûngkaw ta ding chun paldâi in siem bawk naw a.

EZEKIEL 21:12

Mihriem naupa, khêk la, inrûm rawh; ka mihai chunga tlung a na, Israel lalhai po po chungah a tlung si a; anni chu ka mihai leh kâwlhnâm kuoma chun pêkin an um a; Chuleiin, i êlpui chu ben rawh.

DANIEL 5:26

Chu thil umzie chu hi hi a nih: MENE chu ‘Pathien chun i ram chu a tiem zo ta a, a tâwp chu ân tlun tah a nih,’ tina a na.

DANIEL 5:9

Chuongchun, lal Belsazzar chu nasatakin a lunginzîng tah a, a hmêl chu a hung danglam a, a lalhai khawm chu an lunginzîng nasa hle a.

JOEL 1:11

Aw, nangni lo neituhai, inzak unla, nangni grêp hrui enkawltuhai, bupui le buṭei leiin khêk rak rak ro; loa bu sîk ding chu a bohmang ta si a.

JOEL 1:13

Nangni thiempuhai, saiip puon dierkei unla, ṭap ro; nangni maichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhawvârin zâl ro: in Pathien ina inthawk chun beiphit inhlân le dâwn ding inhlân chu khap a ni si a.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 1:5

Inruihai, har unla, ṭap ro; uoin dâwn po pohai, a uoin thlum lei chun khêk rak rak unla, in baua inthawka lâk hmang a ni ta si a.

JOEL 2:1

Ziona chun tawtawrâwt mût unla, ka tlâng inthienga chun inrâlringna sukri ro, hi ram sûnga mi po pohai chu inthin raw se; Lalpa ni chu a hung tlung mêk a, a hnai ta si a;

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

AMOS 5:18

Lalpa ni dittuhai, in chung a rik ie! Iengdinga Lalpa ni chu in dit am a na? Var ni lovin inthim a ni lem.

ZEPHANIA 1:14

Lalpa ni ropuitak chu a hnai ta a, Lalpa ni ri ngei chu a hnai ta a, a tlung ṭêp ân tah; chu huna chun mi thilthawtheitak chu rinumtitakin a khêk a nih.

ZEPHANIA 1:7

Lalpa Pathien hmaihmaa chun to ṭhiep unla, Lalpa ni chu a hnai ta hle si a: Lalpa chun inthawina chu a buotsai ta a, a mikhuolhai khawm chu a hlânthieng ta si a.

ZEKARIA 14:1

Ngai ta, Lalpa ni chu a hung tlung ie, nangmaa inthawka râllâk sum i sûnga an insem ni ding chu.

MALAKI 4:5

Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

THUPUONGSUO 18:10

sawisakna ṭi leia hlataka ngîrin, Babulon khaw ropui, khaw det chu a chung a rik, a chung a rik! Dârkâr khat chauah i chungah rorêlna chu a hung tlung ta si,” an ti a.