ISAI 13:5 - Pathien Lekhabu Inthieng (BSI)

⁵ Annirawi, Lalpa le a lungninawna hriemhreihai chu, ram hlataka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 13:5 ပူးပေါင်းရင်းမြစ်များ

2 SAMUEL 1:27

Mi thilthawtheihai chu an tlu a, Indona thuomhnawhai khawm a bohmang zo tah!

ISAI 10:5

Hung ta, Assuria mi, ka lunginsenna hembâwk, ka lungninawna chawitu hmawl!

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 26:20

Hung ta u, ka mihai, in pindan sûngahai lût unla, in kawthai chu inkhâr khum ro, lungninawna hi ân kieng hmakhat chun mitkhapkâr chau bêk inbihmang ro.

ISAI 30:27

Ngai ta, Lalpa hming chu, a lunginsennaa chawk hlut hlut meikhu sâmup intung lui lui lai chun, hlataka inthawkin a hung ie; a hmûrhai chu lungninawnain a sip a, a lei chu thil kânghmang mei ang a na;

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? Lalpa chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 5:26

Hnam tin hlataka mihai ta dingin inchikna târ suok a ta, kâwlkawdawnga inthawka ko dingin faifûk a tih; chuongchun, ngai ta, anni chu inhmâwtakin hung vak an tih.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

ISAI 7:18

Chu nia chun Lalpa chu Aigupta vadung tâwp rêta tho um le, Assuria rama khuoi um chu ko dingin faifûk a tih.

JEREMIA 50:25

Lalpa chun a râlthuom siekhâwmna chu a hawng a, a lunginsenna hriemhreihai chu a hung lâk suok a, Lalpa sipaihai Lalpa chun Kaldaihai rama chun thaw ding a nei si a.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânse a, mihriem le ramsahai khawm chu, an fe hmang zo ta a.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

MATTHAI 24:31

Chun, a vântirkohai chu tawtawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.