ISAI 13:19 - Pathien Lekhabu Inthieng (BSI)

¹⁹ Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

ISAI 13:19 ပူးပေါင်းရင်းမြစ်များ

INṬANNA 19:24

Chun, Lalpa chun Sodom le Gomorra chunga chun vâna Lalpa kuoma inthawk kât le mei ân sûrtir a;

INṬANNA 19:25

chuongchun, chuong khuohai chu, phaizâwl po po, khuoa mi po pohai le, hnuoia thil mâwnghai le chun a sukbohmang ta vawng a.

ISAI 13:1

Babulon phurrik Amoz naupa Isaiin a hmu chu.

ISAI 21:9

ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempuhai milim siem fâwmhai po po chu hnuoia suknâwiin a um tah,” tiin a dawn a.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? Lalpa chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 49:18

Sodom le Gomorra le chu kâwl vêla khawpuihai suksiet ang khan, chutaka chun tukhawm chêng naw ni hai, tukhawm inzinah va fe bawk naw ni hai, Lalpa chun a tih.

JEREMIA 50:40

Pathien chun Gomorra le Sodom le a vêl khuohai chu a pei thlâk lai ang khan, Lalpa chun a tih: chutaka chun mi chêng naw ni hai a, mihriem nau tukhawm chutaka chun inzin khawm vân zin naw ni hai.

JEREMIA 51:26

Chun, a kia lung dingin amanih, lungphûm dingin amanih nangmaa inthawk chun la naw ni hai a; amiruokchu, kumkhuoa râusan ni lem i tih, Lalpa chun a tih.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

JEREMIA 51:41

Sesak chu iengtiziea lâka um el, hnuoi pumpuiin an inpâkna chu maktia um el chu! Hnamhai laia chun iengtiziea Babulon chu râusana um el!

JEREMIA 51:62

‘Aw Lalpa, nang chun hi hmun chungchâng thua hin, sât thlâk ding a nizie dâm, tukhawm an chêng naw dingzie dâm, mihriem amanih, ramsa amani khawm an chêng naw dingzie le, kumkhuoa râusan a ni dingzie chu i lo hril ta a,’ ti la.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” Lalpa chun a tih.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:29

Isai bawkin, “Mipuihai Lalpa chun chithlâtu mi lo hlapêk naw sien chu, Sodom angin lo um tâng ei ta, Gomorra anga siemin lo um tâng ei tih,” tia a lo hrillâwk ta ang khan.

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.

THUPUONGSUO 18:11

“Chun, hnuoia sumdâwngtuhai chu a chunga ṭapin an lungngai a, tûkhawma an thuomhnaw an inchâwk ta naw leiin.

THUPUONGSUO 18:19

Chun, ṭap le lungngai pumin, A chung a rik ie, a chung a rik ie! “A neinungna leia tuipuia lawng neituhai po po an hung hausakna khaw ropui chu, dârkâr khat sung chaua inram a hung ni ta hi!” tia khêkin an luah pilvut an the a.