ISAI 13:14 - Pathien Lekhabu Inthieng (BSI)

¹⁴ Chun, sakhi hnawt zêk ang le, berâm tukhawm ikhal khâwm lo angin mi tinin mâni chipuihai tieng seng nghâng an ta, mi tin mâni ram tieng seng tlân hmang an tih.

ISAI 13:14 ပူးပေါင်းရင်းမြစ်များ

1 LALHAI 22:17

Chun, ama chun, “Israelhai po po vêngtu neilo berâm angin tlânga an indar vawng ka hmu a, Lalpain, ‘Hienghai hin hotu an nei ta naw a, mi tin mâni in tieng seng lungmuongtakin fe diel el ta raw hai se,’ a ti a nih,” a ta.

1 LALHAI 22:36

Chun, nisa tlâk tâwm lai vêl chun, sipaihai lai chun, “Mi tin mâni in tieng seng, mi tin mâni ram tieng seng fe vawng ta raw hai se,” tiin an khêk vêl ta rak el a.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 21:15

Kâwlhnâmhaia inthawkin, kâwlhnâm phawisahaia inthawkin le, thalngul kuoisaa inthawk le indona nasataka inthawka tlân hmang an ni si a.

ISAI 47:15

Chuongchun, în suksâwlna hlak thilhai chu a um ding a nih: i naupangtea inthawka i kuoma sumdâwng hlaktuhai chu mâni lampui sengah invâk hmang an ta; sanhimtu ding che tukhawm um naw ni hai.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 50:16

Babulona inthawk chu chi thetu chu sât thla unla, busîk laia kâwite hmangtu le chun; nêksâwrna kâwlhnâm ṭi leiin mi tin chu mâni mihai tiengah kîr seng an ta, mi tin chu mâni rama seng chun tlân an tih.

JEREMIA 51:9

Babulon chu sukdam ka tum a, nisienlakhawm, sukdamin a um si naw a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta si a; vânhai chena dawm sâng chu a ni ta si a.

NAHUM 3:18

Aw Assuria lal, i berâm vêngtuhai chu an inlusu ie, i mi lienhai chu an châwl a, i mipuihai chu tlânghaia chun an indar zo a, ṭhuoi khâwmtu tukhawm an um nawh.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 6:34

Chuongchun, ama chu a hung suok chun, mipui nasatak a hmu a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir ta a.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.