ISAI 13:13 - Pathien Lekhabu Inthieng (BSI)

¹³ Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 13:13 ပူးပေါင်းရင်းမြစ်များ

JOB LEKHABU (THE BOOK OF JOB) 9:6

Hnuoi chu ama hmuna chun a sukhnîng a, Chutaka banhai khawm chu ân hnîng bawk a.

INPÂKNA HLABU 18:7

Chu phingle chun hnuoi hi ân hnîng a, ân thin ta a, A lunginsen leiin tlânghai khawm chu, Ân nghatna pumin ân thinin ân hnîng ta a.

INPÂKNA HLABU 88:16

I lunginsen nasatak chun a mi chîm tlum a, I thil râpthlâktakhai chun a mi sukbohmang ta a.

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 21:1

Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

ISAI 23:11

Tuisuoriet chungah a kut a phar a, ramhai chu a sukhnîng a, Lalpa chun Kanaan ram chungchâng thuah thu a pêk a, a kulbînghai sukse dingin.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 24:18

Chuongchun, ṭitum ria inthawka tlânhmang chu khura chun tlâng a ta; khur sûnga inthawka hung suok chu chângah âwk a tih; chungtienga tukverhai chu hawngin a um si a; leihnuoi innghatsan chu ân hnîng bawk a nih.

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 51:1

Lalpa chun hieng hin a tih: “Ngai ta u, Babulon chunga le, Kaldaia chêngtuhai chunga chun suksietna thli hung inhrângtir ka ta.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, Lalpain a lunginsenna ṭium nia a mi sukrinumna ang hi.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw ni a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 24:35

Hnuoi le vân bo a ta, ka thu ruok chu bo naw ni.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.