ISAI 12:4 - Pathien Lekhabu Inthieng (BSI)

⁴ Chu nia chun hieng ang hin la hril in tih, “Lalpa kuoma chun lâwmthu hril unla, a thilthawhai chu mi tin kuomah inhriettir unla, a hming chu chawimawiin a um ti hril ro.

ISAI 12:4 ပူးပေါင်းရင်းမြစ်များ

1 CHANCHIN SUINA 16:8

Aw, Lalpa kuomah lâwmthu hril unla, a hming lam ro; Mi tin lai chun a thil thaw inhriettir ro.

1 CHANCHIN SUINA 29:11

Aw Lalpa, ropuina dâm, thilthawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng si a; Aw Lalpa, lalram chu nangma ta a na, mi po po chungah nang chu lu anga chawimawiin i um hi.

NEHEMIA 9:5

Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, Lalpa in Pathien chu chatuona inthawka chatuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

INPÂKNA HLABU 105:1

Aw, Lalpa kuomah lâwmthu hril unla, a hming lam ro; Mi tin lai chun a thilthaw chu inhriettir ro.

INPÂKNA HLABU 107:22

Anni chun lâwmthu hrilna inthâwinahai chu inhlân hai sienla, A thilthawhai chu hlaa sakin hril raw hai se.

INPÂKNA HLABU 113:5

Lalpa ei Pathien ang tu am an um a? Chungtienga ṭhungpha neia,

INPÂKNA HLABU 148:13

Chuonghai chun Lalpa hming chu inpâk raw se, A hming chau chu chawisângin a um sih a; A ropuina chun hnuoi le vân a khûm dai a.

INPÂKNA HLABU 18:46

Lalpa chu a hring zing a, ka lungpui chu inpâkin um raw se, A mi sandamtu Pathien chu chawimawiin um raw se.

INPÂKNA HLABU 21:13

Aw Lalpa, i hrâtnaa chun chawimawiin um la, Chuongchun, i thilthawtheina inpâkin hla sak kan tih.

INPÂKNA HLABU 22:31

Hung an ta, hnam la hung suok dinghai kuoma chun, “A thaw zo tah,” tiin, a felzie chu lân hriettir an tih.

INPÂKNA HLABU 34:3

Aw Lalpa chu mîn pâkpui unla, A hming chu chawimawi seng ei tiu.

INPÂKNA HLABU 40:5

Aw Lalpa ka Pathien, nangin thilmak i thawhai le, Keini tieng i ngaituonahai hi a tam bêk bêk a, Chuong chu i hmaa suklang sêng ruol a ni naw a, Inhriettirin hril ding ni lang, Ṭiemsêng ruol ni naw ni.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 57:5

Aw Pathien, nang chu vân khûm rak khin chawimawiin um la, I ropuina chu leihnuoi po po chunga hin hung um raw se.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

INPÂKNA HLABU 73:28

Keia ta ding chun Pathien hnai hi a ṭha a nih; Lalpa Pathien chu kân humhimna dingin ka hmang a, I sinthaw po po thu ka hril theina dingin.

INPÂKNA HLABU 9:11

Lalpa, Ziona um chu inpâkin hla sak unla, Mihai lai chun a thilthawhai chu hril ro.

INPÂKNA HLABU 96:3

Hnam tin lai chun a ropuizie hril unla, Mi tinrênghai lai chun a thilmak thawhai hril ro.

INPÂKNA HLABU 97:9

Lalpa, nang chu hnuoi chung po poa hin a chunghnungtak i ni si a, Nang chu pathien po po chung daia chawimawiin i um a.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

ISAI 24:15

Chu chu lei chun Lalpa chu khawsaktieng chun chawimawi ro, Lalpa Israelhai Pathien hming ngei chu tuisuoriet thlierkârahai chun chawimawi ro.

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 42:12

Lalpa chu sukropui sienla, thlierkârahai chun ân pâkna thu hril raw se.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.