ISAI 12:3 - Pathien Lekhabu Inthieng (BSI)

³ Chuleiin, sandamna tuikhura inthawk chun hlimtakin tui la chawi in tih.

ISAI 12:3 ပူးပေါင်းရင်းမြစ်များ

INPÂKNA HLABU 36:9

Hringna tuikhur chu i kuomah a um si a. I vara chun var la hmûng kan tih.

INPÂKNA HLABU 87:7

Hlasaktuhaiin, lâmhai le chun, “Ka tuihnâr po po chu nangmaah a nih a um chu,” tîng an tih.

HLAHAI HLA 2:3

Ramhnuoi thinghai laia apple thing ang el A nih ka hmangaitak chu, tlangvâlhai laia chun. Inhawi titakin a hlima chun ka ṭhung a, A ra chu ka baua chun a thlum a nih.

ISAI 41:18

Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuoktir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

EZEKIEL 47:9

Chun, thilhring tinrêng vadungpuihai fena tieng tienga hung inkhâwmhai chu hring an tih; chun, nga tamtak el hung um an ta; chuongchun, vadungpui luongna phawta tuipui tuihai ân thiengna ding le thil tinrênghai an hring theina dinga hung luong an nih.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.