ISAI 12:2 - Pathien Lekhabu Inthieng (BSI)

² Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 12:2 ပူးပေါင်းရင်းမြစ်များ

2 SAMUEL 7:24

Chuongchun, i mi Israelhai chu chatuona i mihai an ni theina dingin i ta dingin i suknghet ta a; chun, Lalpa, nang chu an Pathien i hung ni ta a.

JOB LEKHABU (THE BOOK OF JOB) 13:16

Hi hi ka sandamna chu nîng a ta; Pathien ngaisak naw mi chu a hmaa hin a hung âwm si naw a.

INPÂKNA HLABU 112:8

A lungril chu a det a, ṭi naw nih, Ama dotuhai chunga a duthusâm tlung chu a hmu hmakhat chu.

INPÂKNA HLABU 118:14

Lalpa chu ka hrâtna le ka hla a nih, A mi sandamtu a lo ni ta bawk a:

INPÂKNA HLABU 118:21

I kuomah lâwmthu hril ka tih, nangin i mi dawnin, A mi sandamtu i lo ni ta si a.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 65:6

Thilthawtheinaa tâia inkhita, Mâni hrâtnaa tlânghai sukhnîng hlaktu chu i nih;

INPÂKNA HLABU 68:20

Pathien chu ei ta dingin sanhimtu, Pathien a nih, Thinaa inthawka suoknahai chu Lalpa Jehovah ta a ni bawk.

INPÂKNA HLABU 68:21

Nisienlakhawm, Pathienin ama dotuhai lu chu sât khawi phawk a tih, A thiemnawnaa la fe pei, lu vun sam inbuktak chu.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

ISAI 10:24

Chuleiin, Lalpa Sipaihai Lalpa chun hieng ang hin a tih, “Aw ka mi, Ziona umhai, Aigupta rama an thaw ang khan hembâwka vaw cheuin a hmawl chu in chungah inlet sien khawm Assuria mi chu ṭi naw ro.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 38:20

Lalpa chu a mi sandam dingin ân zosa zing a nih, Chuleiin, ka dam sûng po poin, Lalpa ina chun, Ka hlahai hi ṭingṭang leh sak ka tih.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 49:5

Tuhin chu Lalpa, Jakobhai a kuoma ṭhuoi nâwkna ding le, Israelhai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (Lalpa mithmu chun mi inzaum ka ni si a, ka Pathien chu ka hrâtna a ni ta bawk a) anih,

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 3:23

Indiktakin muolhaia ṭhangpuina beiseia umhai chu mipui inri mur murhai chu a thlâwn el a nih; indiktakin Lalpa ei Pathiena chun Israelhai sandamna chu a um a nih.”

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

JONA 2:9

Kei ruok chun lâwmthu hrilna râwl leh i kuomah inthâwina inhlân ka ta; Thu ka tiem ta chu hlen ka ta, Sandamna chu Lalpa ta a nih,” tiin.

HABAKKUK 3:18

Lalpaa chun hlim ka ta, Ka sandamna Pathiena chun lâwm ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si naw a, tûkhawm a awihai po ta dinga sandamna dinga Pathien thilthawtheina a ni si a; a phutin Juda mi ta dingin, chun, Grik mihai ta ding khawmin a hung nih.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

THUPUONGSUO 7:10

chuonghai chun rawl inringtakin, “Ei Pathien lalṭhungphaa ṭhung kuoma le, Berâmte kuomah sandamna,” tiin an khêk a.

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.