ISAI 11:4 - Pathien Lekhabu Inthieng (BSI)

⁴ rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 11:4 ပူးပေါင်းရင်းမြစ်များ

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

JOB LEKHABU (THE BOOK OF JOB) 15:30

Inthima inthawk chun fe suok naw ni a, A kauhai chu mei chun hung sukṭâwl a ta, A baua thuok chun ama chu fe hmang a tih.

JOB LEKHABU (THE BOOK OF JOB) 4:9

Pathien thuokin an bohmang a; A lunginsenna imûtin an kânghmang hlak.

INPÂKNA HLABU 110:2

Lalpa chun i hrâtna hmawl chu Zion tlânga inthawkin tir suok a tih; Nangin nangma dotuhai laia chun rorêl rawh.

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

INPÂKNA HLABU 76:10

Matheilovin mihriem lunginsenna hin la hung inpâk ngei a ti che, Lunginsenna mahla chun inkhit i tih.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 14:30

Mi rimsi nau lutîrhai chu tla diel diel tâng an ta, mi pasiehai chu himtakin bawk tâng an tih: chun, nanga zung ruok chu ṭâmin sukhlum ka ta, i ta la um sunhai chu thatin um an tih.

ISAI 16:5

Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawngin, thil fel inhmâwtaka thaw nghâlin, titakzetin ṭhung a tih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 26:6

Ke chun sirdêng a ta, rimsihai ke le pasiehai kalchawi ngei chun.

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltirna kei dingin hrui um a tih.

ISAI 30:31

Lalpa râwl lei chun Assuria mi, hembâwka mi vaw hlaktu chu suknawiin a um ding a ni ta si a.

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

ISAI 32:1

Ngai ta, lal pakhat chu feltakin lalah ṭhung a ta, mi lienhai chun rorêlna felin ro rêl an tih.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 40:7

“Mi po po hlohna ang an na, an ropuina po po khawm phûl pâr ang a nih: Lalpa thuok chun a mût leiin hlohna chu a vuoi a, a pâr chu a ṭuoi hlak; mihai chu hlohna ang an ni ngei el.

ISAI 49:2

ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

JEREMIA 5:28

An hung thâu a, an tlawr a, anih, khawhlona thilthawhai chu an thiem zâk a, a chungthu angin, pa neilohai chungthua chun an ṭan naw a, an hlawtlingna dingin; mi tlasamhai thuneina chu an ngaisak nawh.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

MALAKI 4:6

Ama chun pahai lungril chu nauhai tieng innghatir a ta, nauhai lungril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 5:5

“Zainêmhai chu an hamṭha; hnuoi ro hi an la hluo ding a ni si a.

THILTHAWHAI 9:1

Saula ruok chun, Lalpa inchûktirhai a vau thu le that a tum thu chu a la sâksuok ta rawp a.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

GALATI 5:23

thuhnuoirawlna dâm, insûmthei na dâm a ni lem: chuong ang kal zâwngin Dân thupêk hrim a um nawh.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

TITA 3:2

tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

JAKOB 3:13

Nangni lai tû am vara, thu hre thei a um a? Thuhnuoirawltak le vartakin a thilthawhai a um dân ṭhain inentir raw se.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 19:15

Chun, a baua inthawkin kâwlhnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.

THUPUONGSUO 2:16

Chuongchun, sim rawh, chuong naw chun i kuomah hung vak ka ta, ka baua kâwlhnâm chun anni hung do ka tih.