ISAI 11:13 - Pathien Lekhabu Inthieng (BSI)

¹³ Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 11:13 ပူးပေါင်းရင်းမြစ်များ

ISAI 9:21

Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si naw a, a kut chu a lân let ta rawp a.

JEREMIA 3:18

Chuong nihaia chun Juda sûngkuo chu Israel sûngkuo le chun intlawn an ta, hmâr tieng rama inthawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 33:24

“Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 50:4

Chuong niahai chun, chuong hunahai chun, Lalpa chun a tih: Israel thlahai chu hung an ta, anni le Juda mihai chu a ruolin hung an ta; an ṭap malamin hung an ta, Lalpa an Pathien chu zawng an tih.

EZEKIEL 28:25

“Lalpa Pathien chun hieng ang hin a tih; Israel sûngkuohai chu sukdara an umna hnamhai laia inthawka ka lâk khâwm a, hnamhai mithmu ngeia annia sukthienga ka um pha chun, ka siehlaw Jakob kuoma ka lo pêk tah, anni rama ngei khan chêng tâng an tih.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.