ISAI 11:10 - Pathien Lekhabu Inthieng (BSI)

¹⁰ Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 11:10 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

1 CHANCHIN SUINA 2:12

Boaz chun Obed a nei a, Obed chun Jessai a nei a.

INPÂKNA HLABU 116:7

Aw ka hringna, i châwlnaa chun kîr nâwk rawh, Lalpa chun i chungah ṭhatakin a thaw ta si a.

INPÂKNA HLABU 145:11

I ram ropuizie thu hrilin, I thilthawtheina thu chu thusimah la hmang an tih.

INPÂKNA HLABU 149:5

Mi inthienghai chu ropuinaah lâwmtakin um sienla, An khumlaizâwlhaiah hlimin hla sak raw se.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

INPÂKNA HLABU 91:4

A thla chun inkhum a ti che a, A thla hnuoia chun himtakin um i ta, A thutak chu phaw chîn le phaw lien a nih.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 14:3

Chun, i lungngainaa inthawk dâm, i buoinaa inthawk dâm, sinthaw intaktak an inthawtirna chea inthawk dâma Lalpain ân châwltir nia che chun hieng ang hi nîng a tih,

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 28:12

“Hi hi a nih châwlna chu, sâwlhai chu inchâwltir ro; hi hi a nih insukharna chu,” a tihai chu: nisienlakhawm, an ngai nuom si nawh.

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 60:5

Chu pha chun hmûng i ta, var tâng i tih, i lungril chu inthin a ta, suklienin um a tih; tuipuia sumdâwngna tamtak el chun nanga tieng a pan ding a ni leiin le, hnam tin sum chun i kuom a hung tlung ding a ni leiin.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

HAGGAI 2:9

Hi in hi, hi hnungtienga a ropuina chu a hmasa nêk khan la nasa lem a tih, sipaihai Lalpa chun a tih: chun, hi hmuna hin inremna chu la pêng ka tih, sipaihai Lalpa chun a tih.

ZEKARIA 6:13

Lalpa biekin ngei chu hung bâwl a tih; ama chun ropuina chu khum a ta, a lalṭhungphaa ṭhungin ro rêl a tih; a lalṭhungpha chunga chun thiempu nîng a ta, an pahnia inkâra chun inremna thurêl chu um a tih,’ tiin.

NAMBAR 10:33

Chuongchun, Lalpa tlânga inthawka ni thum lamah an fe a; Lalpa Thuthlungna bâwm chu an ta dinga innghatna hmun remchâng zawngin chu ni thum lama chun a fe hmasa pei a.

MATTHAI 12:21

Ama hming chu Jentailhai chun beisei phâng an tih,” ti hi.

MATTHAI 8:11

Ka hril cheu hi, sak le thlanga inthawkin mi tamtak hung an ta, vân rama chun Abraham hai, Isak hai, Jakob hai kuomah ṭhung an ta;

LUKA 2:32

Jentailhai kuoma suklangna var le I mi Israelhai ropuina ding chu,” a ta.

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 28:28

“Chuongchun, Pathien sandamna thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 5:5

Chun, upa laia pakhat chun, ka kuomah, “Ṭap naw, ngai ta, Sakeibaknei Juda hnama mi, David Bulpui khan, lekhabu chu phar ding le, a închikna pasari sût dingin a hne tah,” a ti a.