ISAI 10:6 - Pathien Lekhabu Inthieng (BSI)

⁶ Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 10:6 ပူးပေါင်းရင်းမြစ်များ

2 SAMUEL 22:43

Chu phingle chun hnuoia pilvut ang elin ka vuok phit a, Khawlai chirhak ang elin ka sukhmât a, ka sukdar ta a.

2 LALHAI 18:25

Chun, hi ram hi Lalpa thu ni lova sukse dinga hung am ka nih? Lalpain ka kuomah, ‘Chu ram chu hang thaw la, sukse rawh, a ti a nih,’ tiin,” a ta.

ISAI 19:17

Juda rama umhai chu Aigupta mihai ta ding chun râpthlâktak hung ni tâng an ta, an hming an lamna taphawthai chun ṭîng an ta, an chunga tlung ding sipaihai Lalpa thuruot lei chun.

ISAI 22:5

Lalpa, sipaihai Lalpaa inthawk chun, inlârna ruoma hin buoina le sirdena le lunginzîngna ni a ni si a; kulpui bang suksietna le tlânghai kona chu.

ISAI 24:5

Hnuoi hi a umhai hnuoia chun a pawrche zo ta a; dânhai chu an bawsiet a, thuruot chu an sukdanglam a, kumkhaw thuthlung chu an bawsiet leiin.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 32:6

Pathien inza nawna thil thaw ding le, Lalpa hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni si a, a lungril chun thil suksuol bawk a tih.

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 49:17

I nauhai chu an inhmaw a; nangma sukbohmangtuhai che le, nangma suksetuhai chun suoksan an ti che.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 5:29

An ri inri dur dur chu sakeibaknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, sansuoktu ding tukhawm um naw ni hai.

ISAI 5:5

Tuhin ka grêp huon chunga ka thaw ding chu hril ka ti cheu; a hling pal chu la hmang ka ta, fâk zoin um a ta, a lung pal chu sukchim ka ta, sirdein um a tih.

ISAI 63:3

Keima chauin grêp sâwrna khurah ka sirsâwr a; mi tin laia mi pakhat khawm ka kuomah an um naw a, anih, anni chu ka lunginsenin ka sir a, ka lunginsenin ka chîl a; chuongchun, an hringna thisen chu ka silfênahai hin thein a um a, ka puon po po hi ka sukpawrche ta a.

ISAI 63:6

Chuongchun, mi tin chu ka lunginsenin ka sirde a, ka lunginsenin ka sukrui a, an hringna thisen chu hnuoiah ka bunthlâk tah.

ISAI 7:17

Ephraim chun Juda a ṭhe nia inthawka la tlung ngailo nihai chu Lalpa chun i chunga le, i khuoletuihai chunga le, i pa sûnghai chunga chun intlungtir a tih; Assuria lal ngei chu,” a ta.

ISAI 8:4

Naupang chun, ‘Nu, Pa,’ ti nachâng a hriet hma khawmin Damaska hausaknahai le Samaria inthawka râllâk sumhai chu Assuria lal hmaah an fe hmangpui ding a ni si a,” a ta.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 29:20

Keia ta dinga sin an lo thaw ta leiin, a sinthaw mana thungna ding chun Aigupta ram chu ka pêk tah a nih, Lalpa Pathien chun a tih.

EZEKIEL 38:12

Râllâk sumhai la ding le, râlhai man ding le, tuta hluoa um tah hmun se tahai le, hnamhaia inthawka mipui lâk suokhai, hnuoi lailia chênga ran ruolhai le thuomhnawhai neia khawsahai chunga chun kut inlet dingin fêng ka tih, tîng i ta.

EZEKIEL 38:13

Seba le Dedan le, Tarsis sumdâwng mihai le, chutaka sakeibaknei tuoihai chun i kuomah, ‘Râllâk sumhai chu la dinga hung am i nih? Râl chu man dingin i pâwlhai chu i kei khâwm ta am a nih? Rângkachak le tangka dâm phur hmang ding le, ran ruolhai chu ṭhuoi hmanga, thuomhnawhai chu la hmang a, râllâk sum nasatak el la ding chun?’ tîng an ti che a.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

HABAKKUK 1:12

Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

MATTHAI 15:7

Vervêkhai Isai hin in chungchâng thu a lo hrillâwk indik ngei el: