ISAI 10:33 - Pathien Lekhabu Inthieng (BSI)

³³ Ngai ta, Lalpa, Sipaihai Lalpa chun, thil râpthlâktakin a kâuhai chu sât thlâng a ta, insângtak takhai chu phûrin um a tih, a dâwk bîkhai khawm chu râwt hnuoiin um a tih.

ISAI 10:33 ပူးပေါင်းရင်းမြစ်များ

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

ISAI 18:5

Grêp lo hun hmaa, a pâr a rêm a, a pâr chu grêp puoma a hung inchang pha chun, a kauhai tê chu theikûng ât bawngnain a ât bawng ding a ni si a; a kau inzâm darhai chu la hmangin ât bawng bawk a tih.

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 33:3

Sa mur mur ria chun mi tin chu an tlân hmang ta a; nang i hung tho meu chun hnam tin chu sukdarin an um tah.

ISAI 37:38

Chun, a pathien Nisrok ina chun pathien a biek laiin a naupasalhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût ta a. Chun, a naupa Esar-haddon chun ama aiawin ro a rêl ta a.

ISAI 5:15

Mi chînhai chu sukkûnin an um a, mi lienhai chu suktlâwmin an um a, chapo mithai chu sukhnuoiin a um ta a;

JEREMIA 22:7

I chunga chun suksetuhai, mi tin el chu mâni hriemhrei seng leh, ka buotsai ding a nih; anni chun i ditthlang sidar dâm chu sât thlâng an ta, meiah tîng an tih.

EZEKIEL 31:3

Ngai ta, Assuria chu Lebanona thingkau ṭha tak nei, Buk hlim nei, dung tieng insâng tak a na; A lêrzîk khawm chu kâu inbuk tak laia chun a um a.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

NAHUM 1:12

Lalpa chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.