ISAI 10:22 - Pathien Lekhabu Inthieng (BSI)

²² I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.

ISAI 10:22 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

1 LALHAI 4:20

Judahai le Israelhai chu tuisuoriet pang ṭieu phaiphin zât zetin an tam a: an fâkin an dâwn a, hlimtakin an um hlak a.

2 LALHAI 19:31

Jerusalema inthawkin a la um sunhai, Zion tlânga inthawkin a la damhai chu an suok ding a nih: Lalpa ṭhahnemngaina chun chuong chu thâwng a tih.

ISAI 37:31

Chun, Juda sûnghai laia a la dam sunhai chu a suktienga zungkeia, a tungzâwnga rain um nâwk a tih.

ISAI 46:3

Aw Jakob sûnghai le, Israel sûnghai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw ni a, sukbohmangin um bawk naw ni,” tiin.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” Lalpain a tih.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 60:22

Mi chîn chu sâng khat ni tâng a ta, mi chiterek khawm hnam hrâttak ni tâng a tih; kei Lalpa hin a hun pha chun intlungtir vak ka tih.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 44:28

Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

THUPUONGSUO 20:8

hnuoi kil lia hnamhai, Gog le Magog chu, hlêma, indonaa ṭhuoi khâwm dingin fe suok a tih; chuonghai tamzie chu tuipuia phaiphin ang el an nih.