ISAI 10:21 - Pathien Lekhabu Inthieng (BSI)

²¹ Hlabîkhai, Jakobhai laia a la dam sunhai chu, Pathien hrâttak kuoma chun la kîr nâwk an tih.

ISAI 10:21 ပူးပေါင်းရင်းမြစ်များ

EZRA 1:4

Chun, mi tukhawm ân pêmna hmun khâwlaia khawm mâksan a um chun, ama hmuna mihai chu tangkaruo le, rângkachak le, thuomhnawhai le, ranhaiin nuomthua pêk bâkah ṭhangpui raw se,’ ” tiin.

ISAI 19:22

Chun, Lalpa chun Aigupta mihai chu vuong a ta, sukdam bawk a tih: chuongchun, Lalpa kuomah kîr nâwk an ta, ama chu anni ngên thlûkin um a ta, anni chu sukdam a tih.

ISAI 37:31

Chun, Juda sûnghai laia a la dam sunhai chu a suktienga zungkeia, a tungzâwnga rain um nâwk a tih.

ISAI 46:3

Aw Jakob sûnghai le, Israel sûnghai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” Lalpain a tih.

ISAI 7:3

Chuongchun, Lalpa chun Isai kuomah, “Nang le i naupa Sear-jasub chu, dîl sakhnung lem tuilâkna tâwpah, puon sâwptu phûl lamliena chun, Ahaz chu tuok dingin fe suok unla;

ISAI 9:13

Nisienlakhawm, mihai chun anni vawtu tieng chu an ngha chuong si naw a, sipaihai Lalpa chu an zawng chuong bawk nawh.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, Lalpa an Pathien tieng chu an ngha naw a, Ama chu an zawng bawk nawh,

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.