ISAI 10:16 - Pathien Lekhabu Inthieng (BSI)

¹⁶ Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 10:16 ပူးပေါင်းရင်းမြစ်များ

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

INPÂKNA HLABU 106:15

An thil hni chu a pêk a, Nisienlakhawm, an hringnaa chun chêrna ân lûttir a,

INPÂKNA HLABU 78:31

Chuong lai tak chun Pathien lunginsenna chu an chungah a tla a, An mi thâuhai ṭhenkhat a that a; Israel tlangvâlhai chu a vuok thlûk tâwl a.

ISAI 10:18

A rampui le a hnuoi ṭha hmun ropuina khawm chu, thlarau le taksa chenin sukbohmang a tih, chuongchun, inchikna chawitu a châu hun lai ang nîng a tih.

ISAI 17:4

Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 31:9

Chun, a lungpui chu thil râpthlâktak leiin bohmang a ta, a mi lienhai chu inchikna leiin lunginzîng tâng an tih,” tiin; Lalpa, a mei Ziona um le, a rawtuina mei Jerusalema um chun a tih.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 5:17

Chun, berâmtehai chu an tlatna hmuna an tla angin tlâng an ta, mi thau hnekhnukhai hmun rama thilhai chu invâihaiin fâng an tih.

ISAI 8:7

ngai ta, Lalpa chun Vadungpui tui, hrâttakhai le tamtakhai, (Assuria lal le a ropuina po po chu) an chungah inluongtir a tih; chuongchun, a kuong po po chu hung liem dûl dûlin, a pang po poa chun hung liem dûl dûl a tih;

ISAI 9:4

A rikphurna rîngkawl le a liengkoa zâwnfung, a nêksâwrtu hembâwk chu, Midianhai hne ni ang khan i suktliekpêk ta si a.

ISAI 9:5

Sa mur mura mi râlthuoma ân thuomna po po le, silfên thisen le inchiepawl niei nuoi po po chu, rawa meia ti ding el chau a ni si a.

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 48:14

‘Mi thilthawthei, indonaa mi hrât khawkhênghai ei nih,’ ieng tin am in ti thei a?

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

NAHUM 1:12

Lalpa chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

ZEPHANIA 2:13

Chun, ama chun hmârtienga chun a bân phar a ta, Assuria chu suksieng a ta; Ninevi chu râusan le thlalêr anga ṭâwlin siem a tih.

ZEKARIA 7:4

Chun, sipaihai Lalpa thu chu ka kuomah a hung tlung a,

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.