ISAI 10:13 - Pathien Lekhabu Inthieng (BSI)

¹³ Ama chun, “Ka kut hrâtnain ka thaw tah a nih, ka varna le hin; ka bengvâr si a: chi tin ramrihai hlak chu ka sawn a; an rohai hlak ka lâkpêk a, lalṭhungphaa ṭhunghai hlak chu mi huoitak thaw angin ka hnûk thlâk ta a;

ISAI 10:13 ပူးပေါင်းရင်းမြစ်များ

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 16:8

Chun, Ahaz chun Lalpa ina tangka le rângkachak um taphawt chu lal ina ro siekhâwmnaa mi leh a lâk a, Assuria lal kuomah lâwmman dingin a thawn a.

2 LALHAI 17:24

Chun, Assuria lalin Babulon khuoa mihai, Kutha khuoa mihai, Ava khuoa mihai, Hamath khuoa mihai, Sepharvaim khuoa mihai ân cha suok a; Samari ram khuoahai chun Israel mihai hmun ân hluotir a, chuongchun, Samari ram chu an hluo a, a khuoahai chun an um ta a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 18:11

Chun, Assuria lal chun Israelhai chu Assuria ramah a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir ta a;

2 LALHAI 18:15

Chun, Assuria lal chun Juda lal Hezekia chu tangka talent za thum le rângkachak talent sâwmthum a tuk a. Chuongchun, Hezekia chun Lalpa ina tangka um po po le lal ina ro siekhâwmnaa mi po po chu a pêk vawng a.

2 LALHAI 18:32

nangni ram anga bu le uoin ram, bei le grêp huon ram, oliv le khuoizu ram, thi lova in hring theina ding rama ka hung ṭhuoi hmakhat cheu chun; Hezekian, Lalpain mi sanhim a ta, tia a thlêm cheu khawmin pawm nuom naw ro.

1 CHANCHIN SUINA 5:26

Chuongchun, Israel Pathien chun Assuria lal Pul lungril le Assuria lal Tiglath-pileser lungril chu a chawktho a, Reuben mihai, Gad mihai, Manasse hnam zâtve le chun a man a, Halah, Habor, Hara le Gozan vadung chenin vawisûn ni chen hin a hung ṭhuoi ta a.

THUVARHAI 28:11

Mi hausa chu ama ngairuotna ngeia chun a var a, Mi pasie hrietthiemna neitu ruok chun ama chu a zawng suok hlak.

ISAI 10:8

“Ka mi lien po pohai hi lal vawng an ni naw am a nih? Kalno khuo chu Karkemis khuo ang el a ni tah a ni naw am a nih?

ISAI 5:21

Mâni ngaia varhai le mâni ngaia bengvârhai chu an chung a rik ie!

JEREMIA 46:8

Aigupta ram chu Nile vadung ang chun a hung lien a, a tuihai chu vadungpui tuihai ang elin ân vawr let a; ama chun, “Hung lien ka ta, leihnuoi hi inkhum ka tih; khawpuihai le chutaka a hluotuhai chu sukbohmang bawk ka tih,” a ta.

JEREMIA 48:14

‘Mi thilthawthei, indonaa mi hrât khawkhênghai ei nih,’ ieng tin am in ti thei a?

EZEKIEL 25:3

Ammon thlahai kuoma chun hieng hin hril la, Lalpa Pathien thu chu lo ngai unla, Lalpa Pathien chun hieng hin a ti a nih: Ka hmun inthieng chu sukhmingsiet a ni laiin le, Israel ram chu râusan a ni laiin le, Juda sûngkuo chu sala an intâng lai khan, ‘I hih,’ i lo ti tâk lei khan;

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher ta a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 29:3

hieng hin ti rawh; Lalpa Pathien chun hieng hin a tih: ‘Ngai ta, Aigupta lal Pharao, Rûlpui a vadungpuihai laia bawk a, Ka vadungpui hi keia ta bîk a na, Keima ta dingin ka siem tah,’ titu, ka dodâl che a nih.

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

AMOS 5:27

Chuleiin, Damaska khaw khêltieng salah infetir ka ti cheu,” Lalpa, a hming sipaihai Pathien chun a tih.

AMOS 6:13

nangni iengkhawmlo chunga lâwm a. “Eini hrâtnain a ni nâwm a ni kihai ei lâk?” tituhai.

HABAKKUK 1:11

Thli angin an mût a, bâwthleng an ta, Thiemnaw changin um an tih, Anni thilthawtheina ngei pathiena neituhai chu.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

HABAKKUK 2:6

Hieng po pohai hin ama chunga tekhina hung hrilin, ama chunga hrilinsîm thu hrilin, “Ama ta ni si lova insukpung chu ieng chen am nei a ta? Mâni le mâni inrûkthila insukpungtu chung chu a va rik de!” an ti naw dîm a nih?

DÂN PAHNINA 8:17

Chun, ‘hieng ei sum le paihai hi eini hrâtna le ei kutsuok a nih,’ ti lungril rawi in tih, fîmkhur bawk ro.

RORELTUHAI 7:2

Chun, Lalpain Gideon kuomah, “I kuoma mipui umhai kha Midianhai an kuta ka pêkna ding chun an tam taluo a nih; chuong naw chun chu Israelhaiin, ‘Keini kut ngeia insansuok kan nih annâwm’ tiin mi uongkhum rawi an tih.