ISAI 1:8 - Pathien Lekhabu Inthieng (BSI)

⁸ Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.

ISAI 1:8 ပူးပေါင်းရင်းမြစ်များ

JOB LEKHABU (THE BOOK OF JOB) 27:18

A in chu aium angin a bâwl a. Vêngtuin a sâwlbûk a bâwl ang elin.

INPÂKNA HLABU 9:14

Nangma inpâkna po po chu kân hriettir theina dingin; Zion naunu kawtkhârahai chun, I mi sandamnaa hin hlim ka tih.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:32

Vawisûn ngei hin Nob khuoah a châm ding a nih; Zion naunu tlâng, Jerusalem muol pâwng chu a kut a thin khum ie.

ISAI 29:3

Chun, nang chu thaw tumin i vêla chun ep ka ti che a, kul siemin inhuol vêl bawk ka ti che a, thaw ding chein inhuol vêlna kulbînghai siem bawk ka tih.

ISAI 30:17

Mi pakhat ihrâwkin tlân dur dur in tih; a tâwpa chun tlâng sîpa pholêng târ ang le, muol chunga inchikna mâksana um angin la um el in tih.

ISAI 37:22

hi hi a chungchâng thu Lalpain a hril chu a nih: Zion naunu nunghâk chun a hmusit che a, a nuisan che; Jerusalem naunu chun a lu a thin khum che.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

ISAI 4:4

Lalpain rorêlna thlarau le kângna thlaraua Zion naunuhai inthieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni si a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um si a, hienghai hi khaw taka inthawka hung um am an ni leh?’ tîng i tih,” tiin.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

JEREMIA 4:17

Lo vêngtuhai ang elin, a vêlin an umngha a; keia chungah a lo hel ta leiin, Lalpa chun a tih.

JEREMIA 6:2

Ngainobei le inno Zion naunu chu sât thlâng ka tih.

ṬAP HLA 2:1

Zion naunu chu Lalpa chun a lunginsena iengtiziea sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; Lalpa chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit ta a.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni si a, Lalpa chun a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

JOHAN 12:15

“Ṭi naw, Zion naunu, En ta, i Lal chu, Sabengtungtê chunga chuongin, A hung ding a nih,” ti ziek ang khan.