ISAI 1:7 - Pathien Lekhabu Inthieng (BSI)

⁷ In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 1:7 ပူးပေါင်းရင်းမြစ်များ

2 CHANCHIN SUINA 28:5

Chuleichun, Lalpa a Pathien chun Suria lal kuta chun ama chu a pêk ta a, ama chu an hung thaw a, a mi tamtakhai chu salah an ṭhuoi a, Damaskaa chun an hung ṭhuoi tâwl ta a. Nasataka thata hnetu Israel lal kuta chun ama khawm chu pêk a ni ta a.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

INPÂKNA HLABU 107:39

Chun, nêksâwrna dâm, rinumna dâm, lungngai dâm leiin, An kiem ta sawt sawt a, an kûn ta thlawk thlawk a.

INPÂKNA HLABU 109:11

A pung hnawta tangka inpûktirtu chun a nei po po chu lâkpêk vawng sienla, Mikhuolhai chun a sininrim ra chu lâkpêk raw hai se.

ISAI 1:8

Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 34:9

A vadung tuihai chu lawng hnaia inchangtirin um a ta, a pilvut chu kâta inchangtirin um bawk a tih, a ram chu lawng hnai kâng hlut hlutah inchang a tih.

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni si a; nangma lemtuhai kha hlatakah an um ta ding a nih.

ISAI 5:17

Chun, berâmtehai chu an tlatna hmuna an tla angin tlâng an ta, mi thau hnekhnukhai hmun rama thilhai chu invâihaiin fâng an tih.

ISAI 5:9

Sipaihai Lalpa chun ka naah hieng ang hin a tih, “Titakzetin in tamtak, lientak tak, mawitak takhai chu a thlûttu um lovin la ram a ta;

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusalem chu hmun râusanah a hung inchang ta hi.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:5

Sa mur mura mi râlthuoma ân thuomna po po le, silfên thisen le inchiepawl niei nuoi po po chu, rawa meia ti ding el chau a ni si a.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni ta a.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

ṬAP HLA 5:2

Kan rochan chu hnam danghai taah ân chang a, Kan inhai chu ram dang mihai kuomah.

EZEKIEL 25:4

ngai ta, an nei ding chein khawsak mi thlahai kuoma chun ka pêk ding che a nih; an chêngna hmunhai chu i sûnga chun siem an ta, an umna hmunhai chu innghat an tih; chun, i tui chu dâwnin i nênetui khawm chu dâwn bawk an tih.

EZEKIEL 30:12

Chun, vadungpuihai khawm chu sukkangchat ka ta, ram chu mi rilohai kutah zawr ka tih; mikhuolhai kut hmangin ram le a sûnga umhai po po chu râusanah siem ka tih, kei Lalpa ngeiin ka lo hril tah a nih.

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol ta a, Ama chun chu a hriet nawh.

HOSEA 8:7

Thli an chîng a, thli sie an sîk ding a ni si a, Kûng ngîr a nei naw a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

LEVI DÂN 26:34

“Ram chu sukrêma a um sûng po le, in hmêlmahai rama in um sûng chun, ram chun châwlnihai chu hlimtakin hmang a tih; chuongchun, ram chu châwl a ta, a châwlnihai chu hlimtakin hmang a tih.

MIKA 5:11

i ram khawpuihai sukbohmang ka ta, i kul po po sukchim ka tih;

MIKA 6:13

Chuleiin, kei khawma nataka hliemin ka vuok ta che a, i suolnahai leiin râusanah ka siem ta che a nih.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

DÂN PAHNINA 28:43

Ram dang mi nangni laia umhai chun insâng khal tiel tiel an ti cheu a, nangni ruok chu inhnuoi tiel tiel in tih.

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.