ISAI 1:6 - Pathien Lekhabu Inthieng (BSI)

⁶ Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping naw a, an tuom bawk naw a, sahriek khawm an nâl bawk nawh.

ISAI 1:6 ပူးပေါင်းရင်းမြစ်များ

2 SAMUEL 14:25

Tuhin Israelhai po po lai Absalom ang hrima hmêl ṭhata inpâk hlaw tukhawm an um naw a, a ke lêra inthawka a lusîp chenin sawisêlna hrim hrim a um naw a.

JOB LEKHABU (THE BOOK OF JOB) 5:18

Pânna a siem a, a tuom a, A sukhliem a, a kuthai chun a sukdam si a.

INPÂKNA HLABU 77:2

Ka lunginzing ni chun Lalpa ka zawng a; Ka kut hi zâna khawm la thla lovin ka phar zing a, Ka hringna hin thlamuon a nuom nawh.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 30:12

“Lalpa chun hieng hin a ti si a: I natna chu sukdam theilo a na, i hliemna chu a nasa êm êm a.

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle si a, hieng thilhai hi i chungah ka thaw a ni hi.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.

JEREMIA 6:7

Tuisunsuo chun a tuihai a phusuok angin, a khawhlonahai chu a phusuok a; a sûnga chun inpâwngnêkna le suksietna hriet a na, ka hmaa chun natna le hliemnahai chu a um zing zing a nih.

NAHUM 3:19

I na chu a damna ding a um nawh, i hliemna chu a nasa hle a nih; i ri hre taphawt chun kut an benkhum che; i rîtlona hin a chîm rawp naw tu am a um a?

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 9:12

Nisienlakhawm, Isûn a hriet phingleh, “Mi hrâthai chun dâktawr an ngai naw a, mi hrivawisiehai lemin an ngai a nih.

LUKA 10:34

A kuomah a va fe a, a pawpahai chun hriek le uoin dâm a nâl a, a tuom a, ama sa chungah ân chuongtir a, khuolbûkah a fepui a, a enkawl ta a.