ISAI 1:28 - Pathien Lekhabu Inthieng (BSI)

²⁸ Nisienlakhawm, bawsetuhai le mi suolhai suksietna chu um inruol a ta, Lalpa mâksantuhai khawm sukbohmangin um an tih.

ISAI 1:28 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 21:10

Chuongchun, vawisûn ni chen hin Edom mihai chu Judahai chunga chun an hel ta zing a; chu huna bawk chun Libna khuo khawm chu an lo hel ve a; a thlatuhai Pathien Lalpa chu a lo nghatsan tâk leiin.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

2 CHANCHIN SUINA 28:6

Remalia naupa Peka chun Judai ramah, mi hrât khawkhêng ṭhieu nuoi khat le sîng hni ni khat sûngin a that a; an thlatuhai Pathien Lalpa chu an nghatsan leiin.

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

JOB LEKHABU (THE BOOK OF JOB) 34:26

Mi rilohai angin anni a vuok a, Mi danghai mithmua chun;

JOB LEKHABU (THE BOOK OF JOB) 34:27

Ama chu zui dinga an pêthmangsan lei le A lampuihai chu pakhat khawm an ngaisak naw leiin.

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 104:35

Mi suolhai chu hnuoia inthawk hin sukbohmangin um hai sienla, Mi rilohai chu um ta naw raw hai se! Aw ka hringna, Lalpa chu inpâk rawh! Lalpa chu inpâk ro!

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 37:38

Bawsetuhai ruok chu a ruola suksietin an um tâwl ding a na, Mi rilohai tâwpna ding chu sukbohmangna ning a tih.

INPÂKNA HLABU 5:6

Khêl hril hmanghai chu sukbohmang i ta, Lalpain thisen insuo hmang le hlêm hmang mi chu a tirdak rieu hlak.

INPÂKNA HLABU 73:27

Ngai ta, nangma hlata umhai chu an bohmang ding a ni si a, A uiret santu taphawt che chu i sukbohmang ta a.

INPÂKNA HLABU 9:5

Hnam tin chu i hal a, mi rilohai chu i sukbohmang a, An hming chu kumkhawtluonga dingin i thai hmang ta a.

INPÂKNA HLABU 92:9

Aw Lalpa, ngai ta, nangma dotuhai hi, Ngai ta, nangma dotuhai hi an bohmang ding a nih; Thil suksuoltuhai po po hi sukdarin an um vawng ding a nih.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a bawsietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 50:11

Mei sêm a, thingthu tivar hlak po pohai, ngai ta u, in mei vara le in thingthu tihai lai chun lêng ro. Hi hi ka kuta inthawka in la hmu ding chu a nih, lungngaitaka in la zâlna ding chu.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ISAI 65:11

Nisienlakhawm, nangni Lalpa mâksana, ka tlâng inthieng theinghila, Vângneina Siemtu ta dinga dawkân buotsaia, Chantâwka Khawrêltunu dinga uoin chawkpawl sa suksip hlaktuhai;

ISAI 66:17

Huonahai chun an fe a, a laia mi hnunga um nghien dinga insukthieng le insukfai hlakhai, vawk sa le thil tirdakum le mazu fa chu bohmang tâwl an tih; Lalpain a tih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

1 SAMUEL 12:25

Amiruokchu, suoltaka thil in la thaw rawp chun bohmang in tih, nangni le in lal khawm,” a ta.