ISAI 1:27 - Pathien Lekhabu Inthieng (BSI)

²⁷ Zion chu rorêlna fela sansuok ni tâng a ta, a sûnga mi nghakîr nâwkhai khawm felnaa sansuok nîng an tih.

ISAI 1:27 ပူးပေါင်းရင်းမြစ်များ

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 35:9

Sakeibaknei hrim hrim chutaka chun um naw ni a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

ISAI 5:16

sipaihai Lalpa ruok chu rorêlnaa chawisângin a um ta lem a, Pathien, Mi Inthieng chu felnaa sukthiengin a um ta a.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

ISAI 52:3

Lalpa chun hieng ang hin a ti si a; “Iengkhawm ni lova zawr in ni ta a, chuongchun, tangka ni lova intlan ni tâng in tih,” tiin.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

ISAI 63:4

Phubalâk ni chu ka lungrilah a um si a, ka mi intlanhai kum chu a hung tlung ta bawk a nih.

HOSEA 2:19

Kumkhawtluongin ka ta dingin huol tlat ka ti che a, felna dâm, rorêlna dâm, lunginsietna dâm, lainatna dâmin ka ta dingin huol ka ti che.

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.