ISAI 1:25 - Pathien Lekhabu Inthieng (BSI)

²⁵ chun, i chungah ka kut thlâk nâwk ka ta, i êksie chu faitakin sukbo ka ta, i suon po po chu la hmang vawng ka tih:

ISAI 1:25 ပူးပေါင်းရင်းမြစ်များ

INPÂKNA HLABU 119:119

Hnuoia mi rilohai po po chu thilêksie angin i sukbohmang hlak a, Chuleiin, i thuinhriettirhai chu ka ngaina a nih.

ISAI 1:22

I tangka chu a êksiein ân chang ta a, i uoin chu tui le pawl a ni ta a.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 4:4

Lalpain rorêlna thlarau le kângna thlaraua Zion naunuhai inthieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

JEREMIA 6:29

Pûmthei chu ṭiumtakin ân thli a, suon chu mei ikâng hmang chun a um a, a thlâwn elin sukfainaa chun an fe a, mi rilohai chu lâk hmang an ni si naw a.

JEREMIA 9:6

I umna hmun chu nêksâwrna chunga nêksâwrna a na; inhlêmna chunga inhlêmna umkhâwmna a ni leiin an mi hriet nuom naw a nih, Lalpa chun a tih.

JEREMIA 9:7

Chuleiin, sipaihai Lalpa chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, Lalpa chu ka nih, ti mi hre tâng in tih.

EZEKIEL 22:19

Chuleiin, Lalpa Pathien chun hieng hin a tih; Êksie chu in hung ni tâk leiin ngai ta u, Jerusalem sûnga hin kei khâwm ka ti cheu.

EZEKIEL 22:20

Tangkaruo dâm, dârsen dâm, thîr dâm, rângva dâm, suon dâm pûmmeia an mût dinga suktui dinga an lâk khâwm angin, ka lunginsenna le ka ṭiumnain la khâwm ka ti cheu a, chutaka chun sieng ka ti cheu a, suktui ka ti cheu.

EZEKIEL 22:22

Tangkaruo chu pûmmeia ân tui angin chuong ang chun chutaka chun intui in tih, chuongchun, kei Lalpa hin in chungah ka lunginsenna chu ka hung bunthlâk a nih ti hre tâng in tih,” tiin.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

MALAKI 3:3

ama chu tangkaraw sukthiengtu le sukfaitu angin ṭhung a ta, Levi naupasalhai chu sukthieng a ta, anni chu rângkachak le tangkaruo angin sukfai a tih; chun, anni chun Lalpa kuomah felnain thilinhlânhai chu inhlân an tih.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.