ISAI 1:23 - Pathien Lekhabu Inthieng (BSI)

²³ I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 1:23 ပူးပေါင်းရင်းမြစ်များ

2 CHANCHIN SUINA 36:14

Chu nawa khawm chun, khawhri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema Lalpa in a sukthieng ta chu an sukpawrche ta a.

FESUOKNA 23:8

Chun, thamna i lâk ding a ni nawh, thamna chun hmutheina neihai khawm an mit a sukdel a, mi fel thuhai khawm a keikâwi hlak si a.

THUVARHAI 17:23

Mi khawhlo chun ângsûnga inthawkin thilthlâwnpêk chu a lâk a, Rorêlna lampuihai chu a sukkâwi hlak.

THUVARHAI 29:24

Rûkru inṭâwmpuina neitu chun ama lungril ngei khawm a theida hlak a, Ṭawngsie inphurna ri chu a hriet hlak a chu iengkhawm a sâksuok ngai nawh.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 1:22

I tangka chu a êksiein ân chang ta a, i uoin chu tui le pawl a ni ta a.

ISAI 28:14

Chuleichun, mi hmusit hmanghai, hieng mihai, Jerusalema umhai ro rêlpêktuhai, Lalpa thu hi hre ro.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 33:15

Feltaka um a, indiktaka hril hlaktu; nêksâwrnahai hlâwkpuina hrim hrim theida a, thamna la nuom lova, kut thin san a, thisen insuo thu ngai nuom lova na hup a, suolna hrim hrim en nuom lova insîm hlaktu chu;

ISAI 5:23

thamna fâk leia misuol thiem inchangtir hlaka, mi fel felna lâkpêk hlaktuhai chu!

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 32:32

Juda mihai le Israel mihai suolna po po, mi suklungsenna ding ela, anni le an lalhai le an rorêltuhai le, an thiempuhai le, an zâwlneihai le, Juda rama mihai le Jerusalem hluotuhaiin an lo thaw tahai lei chun.

JEREMIA 4:17

Lo vêngtuhai ang elin, a vêlin an umngha a; keia chungah a lo hel ta leiin, Lalpa chun a tih.

JEREMIA 5:5

Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, Lalpa lampui chu an hriet si a,” ka ti a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan ta a.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

HOSEA 4:18

An zu dâwn chu an ṭîn a, nawchizawrah an insiem a, An ropuina nêkin thil inzapuium chu an ngaina lem a.

HOSEA 5:10

Juda mi lienhai chu ramri sawntuhai an na, An chungah ka lunginsenna chu tui angin bunthlâng ka tih.

HOSEA 9:15

An rîtlona po po chu Gilgal khuoah a um a; Chutaka chun anni chu ka theida si a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni si a.

AMOS 5:12

In bawsietnahai tamzie le, in suolnahai a nasatzie ka hriet si a; mi felhai suknawmna a, thamna la a, kawtkhâra tlasamhai an chantâwk nghatsantuhai.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

MIKA 6:12

Chutaka mi hausahai chu pâwngnêknain an sip si a, chutaka chênghai chun khêl an hril a, an bau sûnga an lei chu mi hlêm hmang a nih.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

ZEKARIA 7:10

hmeithai amanih, fahrâ amanih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chungah a lungrilin thil suol suongtuo naw raw se,” tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

NAMBAR 22:7

Chuongchun, Moab upahai le Midian upahai chu aisân man ding chawiin an suok ta a; Balaam kuom chu an va tlung a, Balak thu incha chu an hril a.

MATTHAI 21:13

an kuomah, “ ‘Ka in chu ṭawngṭaina in tîng an tih,’ ti ziek a na, nangni ruok chun suomhmanghai pûkin in siem lem hlak a nih,” a ta.

MARKA 11:17

Chun, an kuoma chun, “ ‘Ka in chu hnam tin ta dinga ṭawngṭaina in tîng an tih,’ ti ziek a ni naw am a nih? Nangni ruok chun suomhmanghai pûkin in siem lem hi,” tiin ân chûktir ta a.

LUKA 19:46

an kuomah, “ ‘Ka in chu ṭawngṭaina in nîng a tih,’ ti ziek a nih; nangni ruok chun suomhmanghai pûkah in siem lem hi,” a ta.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.

1 SAMUEL 8:3

Nisienlakhawm, a nauhai chun a umdân chu an lâk ve naw a, sum le pai tieng an hnawt a, thamnahai an lâk a, indik nawtakin ro an rêl a.