ISAI 1:13 - Pathien Lekhabu Inthieng (BSI)

¹³ Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdakumtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.

ISAI 1:13 ပူးပေါင်းရင်းမြစ်များ

2 LALHAI 4:23

Chun, ama chun, “Vawisûn kher kher iengdingin am ama kuoma chun fêng i ta? thla thar a ni naw a, Châwlni khawm a ni bawk si naw a,” a ta. Chun, ama chun, “Ṭha tho de nih,” a ta.

1 CHANCHIN SUINA 23:31

châwlnihai dâm, thlatharhai dâm, ruoiṭhena bi ruotahai dâma Lalpa hmaa chuong chungthua thaw rawp a ni ding dân ang peia Lalpa kuoma pumrawhmang thilinhlân chu inhlân ding dâmin;

INPÂKNA HLABU 78:40

Thlalêra khan a chungah an va hel inzingin, Ram ṭâwla khan ama chu an va suklungngai inzing de!

FESUOKNA 12:16

Ni khat ni chun in ta dingin inkhâwmpui inthieng um a ta, ni sari ni khawmin inkhâwmpui inthieng um bawk a tih; chuong nihaia chun sin iengkhawm in thaw ding a ni nawh, mi tinin fâk rawngbâwl ruok chu thaw thei in tih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUVARHAI 7:14

“Inremna thilinhlânhai inthâwina inhlân ding ka ni a, Hi ni hin ka thutiemhai chu kân thien ta a.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, Lalpain a tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; Lalpa chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit ta a.

EZEKIEL 20:39

Nangni ta ding chun, Aw Israel sûngkuo, Lalpa Pathien chun hieng hin a tih: Fe unla, ka thu in ngai si naw ding chun mi tinin tuhin le hi hnunga khawm, a milimhai rawng chu va bâwl el raw se chu; amiruokchu, ka hming inthieng chu in thilpêkhai le in milimhai chun sukhmingsie ngai ta naw ti niu.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

JOEL 1:14

Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

JOEL 2:15

Ziona chun tawtawrâwt mût unla, bu nghei hun inserthieng ro; inkhâwmpui ursûntak chu siem ro,

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

NAMBAR 10:2

“Tangkaruo tawtawrâwt pahni siem la, a suta sutin siem rawh; mipuihai ko khâwmna ding le insuoktirna dingin i hmang ding a nih.

MATTHAI 15:9

Iengkhawm ni sienla, an inchûktirnaah mihriem thupêk an inchûktir leiin, An mi biek hlak hi a thlâwn el a nih,’ tiin,” a ta, a dawn a.

LUKA 11:42

“Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

1 KORINTH 11:17

Amiruokchu, hieng thu ka ihrilhai cheua hin kân pâk thei naw cheu a nih, in inkhâwm pha ṭhatpui nêkin in sietpui lem hlak leiin.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

PHILIPPI 1:15

Ṭhenkhat chun îtthîk le sêlna lei khawmin Krista thu an hril hlak, ṭhenkhat ruok chun lâwm leiin an hril bawk hlak: