INṬANNA 9:5 - Pathien Lekhabu Inthieng (BSI)

⁵ Chun, in thisen, in hringna phuba chu la ngei ngei ka tih; sa tinrêng chunga chun lâng ka tih, mihriem kuoma inthawk khawmin, mi tin an unauhaia inthawk chun, mihriem hringna phuba chu la seng ka tih.

INṬANNA 9:5 ပူးပေါင်းရင်းမြစ်များ

INṬANNA 42:22

Chun, Reuben chun, “Naupang chungah thil suksuol naw ro ka ti naw cheu am a nih? in ngai naw a, chuleiin, ngai ta u, a thisen phuba chu an lâk a ni hi,” tiin anni chu a dawn a.

2 SAMUEL 4:11

Mi fel ama insûng luma, a khumlaizâwl ngeia mi, mi suolin an that a thisen man chu nangnia inthawk hin ka phût nâwk zuolin, hnuoia inthawk hin ka va sukbohmang âwm ngei cheu de aw,” a ta.

1 LALHAI 2:6

Chuongchun, i rem hriet dân angin thaw la, a lua kêlsam ṭo hi thlânah lungmuongtakin inliemtir naw rawh.

2 LALHAI 11:1

Chun, Ahazia nu Athalia chun a naupa a thi ti a lo hriet chun, a tho a, lal nauhai po po chu a that vawng a.

2 CHANCHIN SUINA 24:22

Chuongchun, lal Joas chun ama chunga a pa Jehoiada ngilneizie kha a hriet zing ta naw a, a naupa chu a that ta a. Chun, a thi chun, “Lalpain hung en sienla, phuba la raw se,” a ta.

2 CHANCHIN SUINA 33:24

Chun, a siehlawhai chun ama chu an phierrûk a, ama in sûnga ngei chun an that ta a.

2 CHANCHIN SUINA 33:25

Amiruokchu, chu rama mihai chun lal Amon phierrutuhai po po an that a; chun, chu rama mipuihai chun a naupa Josia chu ama aia chun lalah an siem ta a.

INPÂKNA HLABU 9:12

Thisen insuo suosal hlaktu chun anni chu a hriet zing hlak si a, Mi rimsihai khêkri a theinghil ngai nawh.

FESUOKNA 20:13

Tuol i that ding a ni nawh.

FESUOKNA 21:12

“Miin mi dang a vuok a, a thi chun, ama khawm chu sukhlum ngei ding a nih.

LEVI DÂN 19:16

I chipuihai lai mihai hêkin în vâk vêl ruoi ding a ni naw a, i tuolbâwm thisen thuah a ni naw zâwngin i ṭhang ding a ni bawk nawh; Kei hi Lalpa chu ka nih.

LEVI DÂN 24:17

Tuolthattu chu sukhlum ngei ding a nih.

LEVI DÂN 24:21

Ran sukhlumtu chun a thung ding a nih; mi sukhlumtu chu sukhlum ve ding a nih.

NAMBAR 35:16

Amiruokchu, thîr hriemhrei hmanga mi a thaw a, a thi chun, tuolthat a nih, tuolthattu chu sukhlum ngei ding a nih.

NAMBAR 35:17

Chun, thina khawpa lunga mi a suk a, a thi chun tuolthat a nih, tuolthattu chu sukhlum ngei ding a nih.

NAMBAR 35:18

Chun, thi khawpa thinga mi a vuok a, a thi chun tuolthat a nih, tuolthattu chu sukhlum ngei ding a nih.

NAMBAR 35:21

intaina leia a chum hlum amani chun a sukhlumtu chu sukhlum ve ngei nîng a tih; tuolthat a nih, thisen phubalatu chun a hmu pha pha a sukhlum el ding a nih.

MATTHAI 23:35

Chuongchun, Abel mi feltak thisena inthawkin Pathien biekin le maichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

DÂN PAHNINA 19:11

Amiruokchu, miin a tuolbâwm chu a theida a, ân chân a, a thaw a, thi khawp raka a vuok a, chu khuo laia pakhata chun a tlân chun,

DÂN PAHNINA 19:12

an khuo upahaiin mi tir sienla, chutaka inthawk chun va ṭhuoi hai sienla, sukhlum dingin thisen phuba latu kutah inhlân raw se.

RORELTUHAI 9:56

Abimelek chun a unauhai sâwmsari a that a, a pa chunga a thaw dân kawnga a rîtlona kha Pathienin hieng ang hin ama a hung thung ve ta a nih: