INṬANNA 9:12 - Pathien Lekhabu Inthieng (BSI)

¹² Chun, Pathien bawkin, “Hi hi kei le nangni le in kuoma thilsiem hringna nei tinrêng umhai kâra, suon tâwp lova um peihai ta dingin, ka thuthlung inchikna chu a nih.

INṬANNA 9:12 ပူးပေါင်းရင်းမြစ်များ

INṬANNA 17:11

Chuongchun, in ser hmawr vuna chun sertanin in um ding a nih; chu chu nang le ei inkâra thuthlung inchikna chu nîng a tih.

INṬANNA 9:13

Sûmah ka sumrisâng kân zâmtir a, chu chu kei le hnuoi inkâra thuthlung inchikna ding nîng a tih.

INṬANNA 9:17

Chun, Pathien bawkin, Noa kuoma chun, “Chu chu kei le hnuoi chunga tisa um po po inkâra thuthlung sukdetna inchikna a nih,” a ti bawk a.

FESUOKNA 12:13

Chun, thisen chu in ta dingin in umna inhai inchikna nîng a ta; thisen chu ka hmu pha chun, nangni chu fekân ka ti cheu a, Aigupta ram ka hung hrem lai khawm chun, nangni sukbohmang ding cheuin in chungah hri hrim hrim um naw nih.

FESUOKNA 13:16

Chun, i mithai kâra thilkhim ding le i kut chunga inchikna dingin nîng a tih; Lalpa chun kut thahrât chun Aigupta rama inthawkin a ṭhuoi suok ta si che a, tiin, ” a ti a.

JOSUA 2:12

Chuleiin, tuhin ka ngên cheu a nih, hi in chungah ka lunginsietzie cheu ka lo suklang ta a, nangni khawma ka pa sûnghai chungah in lunginsietna chu hung inlangtir ve ding le inchikna fietak mi siempêk dingin Lalpa hming sâlin mîn khâmpêk ro: