INṬANNA 8:21 - Pathien Lekhabu Inthieng (BSI)

²¹ Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

INṬANNA 8:21 ပူးပေါင်းရင်းမြစ်များ

INṬANNA 3:17

Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tia thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;

INṬANNA 4:12

hnuoi în let pha khawm a ṭhatna chu pe phal ta naw ni che; hnuoia hin tlânhmang le invai hung ni tâng i tih,” a ta.

INṬANNA 5:29

“Ama ngei hin Lalpa ṭawngse inphur hnuoi leia ei sinthawna le kuta ei sininrimnaa hin mi thlamuon tâng a tih,” tiin a hmingah Noa a sak a.

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

JOB LEKHABU (THE BOOK OF JOB) 14:4

Tuin am thil inthieng nawa inthawkin thil inthieng la suok thei an ta? Tukhawma thei naw ni hai.

INPÂKNA HLABU 51:5

Ngai ta, rîtlonaa inngîrin ka um a, Ka nuin suolin a mi vawn a,

INPÂKNA HLABU 58:3

Mi rilohai chu an nu phîng sûnga inthawk hrimin Pathiena inthawka ṭhein an um a; An pieng phingleh khêlthu hrilin an invâk hmang hlak.

INPÂKNA HLABU 58:4

An tûr chu rûl tûr ang a na, Rulrîel nasêt, a na hip hlak ang chu an nih.

FESUOKNA 29:18

berâmchal chu a pumin maichâm chunga chun rawng i tih: Lalpa kuoma pumrawhmang thilinhlân a na, Lalpa kuoma meia thil inhlân riminhnik a nih.

FESUOKNA 29:25

Chun, chuong chu an kuthaia inthawkin lâng i ta, Lalpa hmaa riminhnik dingin, maichâm chunga chun pumrawhmang thilinhlânin raw hmang i tih: Lalpa kuoma meia thilinhlân a nih.

THUVARHAI 20:9

Tuin am, “Ka lungril chu ka sukthieng a, Ka suolnaa inthawkin kân thieng tah” ti thei a ta?

THUHRILTU 7:20

Indiktakin, hnuoi chunga hin mi fel thil ṭha thaw a, thil suksuol ngailo an um nawh.

ISAI 47:12

În vêngna le i dâwi hmangna, i naupangtea inthawka în suksâwl hlaknahai chu ngîrpui ta la; i ṭhathnempui thei ding phawt a, i hnepui thei ding phawt chun.

ISAI 47:15

Chuongchun, în suksâwlna hlak thilhai chu a um ding a nih: i naupangtea inthawka i kuoma sumdâwng hlaktuhai chu mâni lampui sengah invâk hmang an ta; sanhimtu ding che tukhawm um naw ni hai.

ISAI 48:8

Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngarzie ang peiin ei thaw el ding a nih,’ an ta.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

EZEKIEL 20:41

Hnamhai laia inthawka ka hung ṭhuoi suok pha cheu a, sukdara in umna ramhaia inthawka ka kei khâwm pha cheu chun riminhnik angin lâwm tâng ka ti cheu a, hnamhai mithmua ngei chun nangni chu sukthieng tâng ka ti cheu.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:17

A thla le a thla inkârah thlêr a ta, a puma thlêr suok ruok chu ni lovin; chun, thiempu chun maichâmah, mei chunga thinga chun a raw ding a nih; chu chu Lalpa ta dinga riminhniktak, mei hmanga thilinhlân, pumrawhmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 8:28

Chun, Mosie chun an kuta inthawk chun a lâk a, pumrawhmang thilinhlân chungah maichâma chun a raw a; chu chu riminhnik dinga suktumna thilinhlân, Lalpa kuoma mei hmanga thilinhlân a nih.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.

JOHAN 3:6

taksaa pieng taphawt taksa a nih, Thlaraua pieng taphawt chu thlarau a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:23

Mi po poin thil an suksuol vawng ta a, Pathien ropuina an chang zo ta naw a nih.

2 KORINTH 2:15

Sandam mêkhaia le, bohmang mêkhaia chun, Pathien ta dingin Krista rim inhnik kan ni si a,

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.