INṬANNA 8:16 - Pathien Lekhabu Inthieng (BSI)

¹⁶ “Lawnga inthawkin suok ro, nang le i nuhmei, i naupasalhai le an nuhmeihai leh.

INṬANNA 8:16 ပူးပေါင်းရင်းမြစ်များ

INṬANNA 7:1

Chun, LalpaIN Noa kuoma chun, “Nang le i sûnghai po po chu lawngah lût ro; nang chu tulai ṭhangthar lai hin ka mithmuin mi feltak i nih ti ka hriet che a nih.

INṬANNA 7:13

Chu ni ngei chun Noa le a naupasalhai Sem, Ham, Japheth le Noa nuhmei chu lawnga chun an lût ta a, a naupasalhai nuhmei pathum khawm an kuomah an lût ve a;

INṬANNA 7:7

Chun, tui a hung lêt ding a ni lei chun Noa chu lawnga chun a lût a, a naupasalhai le a nuhmei le a nauhai nuhmeihai khawm an lût ve a.

INṬANNA 8:15

Chun, Pathienin Noa kuoma chun a hril a,

INṬANNA 8:17

Tisa po po laia mi thil hringna nei tinrêng i umpuihai, vate dâm, ran dâm, thilhring hnuoia bawkinvâka lâwn tinrêng dâm le khan i kuomah ṭhuoi suok rawh, hnuoia hin te neiin chi tamtak thlaha an hung pung theina dingin,” tiin.

INPÂKNA HLABU 121:8

Lalpa chun i suok le i lût chu vêng a ti che, Tuta inthawka kumkhawtluongin.

INPÂKNA HLABU 91:11

I kawng tinrênga humhim ding chein, I chungthua chu a vântirkohai chu thu a pêk ding a ni si a.

ZEKARIA 9:11

Chun, nanga chungthua chun, i thuthlung thisen leiin i sal intânghai chu khur sûng tui um nawnaa inthawk chun ka tir suok ta a.

JOSUA 3:17

Chun, Lalpa thuthlung bâwm zâwntu thiempuhai chu Jordan vadung laia chun, hnuoi hulah an ngîr zing ta a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

JOSUA 4:10

Mosiein Josua kuoma thu a lo pêk ta po po anga, Lalpain mipuihai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu inhmawtakin an kai tâwl ta a.