INṬANNA 7:4 - Pathien Lekhabu Inthieng (BSI)

⁴ Ni sari a la bâk a, chu hnunga chun hnuoi chunga hin ni sâwmli le zân sâwmli sûng ruo insûrtir ka ta; ka thilhring siem tinrêng hi hnuoi chunga inthawkin sukbohmang ka tih,” a ta.

INṬANNA 7:4 ပူးပေါင်းရင်းမြစ်များ

INṬANNA 2:5

Hnuoia hlo hrim hrim hi hnuoiah a la um naw a, hnuoia thlai hrim hrim khawm hi a mâwng bawk nawh. Lalpa Pathienin hnuoi chungah ruo a lân sûrtir si naw a, hnuoi inlettu dingin mihriem hlak an la um bawk nawh;

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 6:3

Chun, Lalpa chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta.

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

INṬANNA 7:10

Chun, ni sari hnunga chun hnuoia hin tui chu a hung lêt ta a.

INṬANNA 7:12

Chun, ni sâwmli le zân sâwmli sûng chu hnuoia hin ruopui nasatak a sûr ta a.

INṬANNA 7:17

Chun, tui chu hnuoia hin ni sâwmli sûng po a lêt a, tui chu a hung pung a, lawng chu a hung lên kâng a, hnuoi chunga chun a chîm lâng pei ta a.

INṬANNA 7:3

Chunglêng vate laia mi khawm, a pui le a chal seng, tuok sari peiin, hnuoi chung po poa chi thla dinga hring dingin i ṭhuoi ding a nih.

INṬANNA 8:10

Chun, ni sari dang a nghâk nâwk a, vaṭhu chu lawnga inthawk ân vuong suoktir nâwk a;

INṬANNA 8:12

Chun, ni sari dang a nghâk nâwk a, vaṭhu chu ân vuong suoktir nâwk a; a kuomah a hung kîr nâwk ta naw a.

INṬANNA 8:2

tui inthûktak hnarhai le vân tukverhai khawm chu a hung inkhâr ta a, vâna inthawka ruo hung sûr chu sukchâtin a um ta bawk a;

JOB LEKHABU (THE BOOK OF JOB) 22:16

Chuonghai chu an hun hmain lâk hmangin an um a, Chuonghai lungphûm chu tuihnâr anga bunthlâk a ni ta kha.

JOB LEKHABU (THE BOOK OF JOB) 28:25

Thli hrâtnahai chu a pêk lai khan, Anih, tuihai chu inkhinain ân khi suok a nih.

INPÂKNA HLABU 69:28

Anni chu hringna bua inthawk chun thaihmangin um hai sienla, Mi felhai laia chun ziek ni ve naw raw hai se.

JEREMIA 28:16

Chuleiin, Lalpa chun hieng hin a tih: Ngai ta, leihnuoi chunga inthawk hin ka tir hmang ding che a nih; Lalpa kala khêlthu i hril leiin, tu kum hin i thi ding a nih,” tiin.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir naw a; hmun khat chungah a sûr hlak a, a sûr nawna hmun chu a ṭâwl hlak.

THUPUONGSUO 3:5

A hnetu taphawt chu chuong ang chun puon vârhai insiltir nîng a tih; chun, Hringna Bua inthawkin a hming chu thai hmang naw tawp ka tih, ka Pa hmaa le vântirkohai hmaa chun a hming chu ṭan lem ka tih.