INṬANNA 7:23 - Pathien Lekhabu Inthieng (BSI)

²³ Chuongchun, hnuoi chunga thil hringna nei tinrêng, mihriem dâm, ran dâm, thilhring bawkinvâk chi dâm, chunglêng vate dâm, hnuoia inthawka sukbohmangin an um ta a: Noa le a kuoma lawnga umhai chau chu hlain an um ta a.

INṬANNA 7:23 ပူးပေါင်းရင်းမြစ်များ

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 8:18

Chuongchun, Noa chu a suok a, a naupasalhai le a nuhmei le a nauhai nuhmeihai khawm a kuomah an suok ve a;

JOB LEKHABU (THE BOOK OF JOB) 5:19

Buoina paruka inthawkin sansuok a ti che a, Anih, pasaria thil ṭha naw hrimin nang nâwk ta naw ni che.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

INPÂKNA HLABU 91:7

I sîrah sâng tlûng an ta, I changtieng chun sîng tlu bawk an tih; Nisienlakhawm, nang chu hnai naw ni che.

THUVARHAI 11:4

Lungsen nia chun hausakna chu a ṭhahnem chuong naw a, Felna ruok chun thinaa inthawkin a sansuok.

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi naw a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:6

chu tuihai vêk chun chu laia khawvêl um chu a chîm a, a bohmang ta a, ti hi;