INṬANNA 7:14 - Pathien Lekhabu Inthieng (BSI)

¹⁴ anni chu an lût a, ramsa tinrêng mâni chi um dân ang sengin, ran po po mâni chi um dân ang sengin, thilhring hnuoia bawkinvâka lâwn chi tinrêng mâni chi um dân ang sengin, vate tinrêng mâni chi um dân ang sengin, vate thla nei tinrêng chu an lût seng bawk a.

INṬANNA 7:14 ပူးပေါင်းရင်းမြစ်များ

INṬANNA 1:21

Chuongchun, Pathienin tuipuia thilhring lientak takhai chu a siem a, thilsiem hringna nei le chângthei tinrêng tuiin a insuo ṭeuhai chu anni chi um dân ding ang sengin a siem bawk a, vate thla nei tinrêng khawm anni chi um dân ding ang sengin a siem a: Pathienin chu chu a en a, ṭha a ti hle a.

INṬANNA 1:24

Chun, Pathienin, “Hnuoi chun thilsiem hringna neihai, anni chi um dân ding ang sengin: ran, thilhring hnuoia bawkinvâka lâwnhai le ramsahai, anni chi um dân ding ang sengin insuo raw se,” a ta: chuong angtak chu a hung ni ta a.

INṬANNA 6:19

Chun, tisa po poa thilhring tinrêng laia mi, chi tin pahni peiin i kuoma a hringa um ve dingin lawnga chun i ṭhuoi lût ding a nih, a pui le a chal an ni seng ding a nih.

INṬANNA 7:13

Chu ni ngei chun Noa le a naupasalhai Sem, Ham, Japheth le Noa nuhmei chu lawnga chun an lût ta a, a naupasalhai nuhmei pathum khawm an kuomah an lût ve a;

INṬANNA 7:15

Chuongchun, tisa po po hringna thuok nei taphawt chu a tuok peiin Noa kuomah lawnga chun an lût ta a.