INṬANNA 6:9 - Pathien Lekhabu Inthieng (BSI)

⁹ Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

INṬANNA 6:9 ပူးပေါင်းရင်းမြစ်များ

INṬANNA 10:1

Hieng hi Noa naupasal, Sem, Ham, le Japheth thlahai chu an nih; tuilêt hnunga naupasal an ineihai chu.

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 2:4

Hienghai hi hnuoi le vân siem an ni dân chanchin chu a nih.

INṬANNA 48:15

Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INṬANNA 5:1

Hi hi Adam thlahai chuongna lekhabu chu a nih. Pathienin mihriem a siem khan Ama angpuiin anni chu a siem a;

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

INṬANNA 5:24

Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

INṬANNA 6:10

Noa chun naupasal pathum, Sem, Ham le Japheth a nei a.

INṬANNA 7:1

Chun, LalpaIN Noa kuoma chun, “Nang le i sûnghai po po chu lawngah lût ro; nang chu tulai ṭhangthar lai hin ka mithmuin mi feltak i nih ti ka hriet che a nih.

2 SAMUEL 22:24

A hmaa chun sawisêlbo ka lo ni a, Ka rîtlonaa inthawkin kân siekieng hlak.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

2 CHANCHIN SUINA 15:17

Nisienlakhawm, Israel rama inthawk chun bâwlhmunhai chu lâk hmang a ni naw a, amiruokchu, a dam sûng po po Asa lungril chu ngiltakin a um a.

2 CHANCHIN SUINA 25:2

Lalpa mithmuah thil indik chu a thaw a; amiruokchu, lungril ṭha famkim leh ni lovin.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 1:8

Chun, Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si naw a,” a ti a.

JOB LEKHABU (THE BOOK OF JOB) 12:4

Ka ruolhai ta dingin nuizatbûr ka hung ni ta a, Pathien ka koin, mi dawn sien khawm, Mi fel le demkailo ni lang khawm nuizatbûr el ka ni ta hi.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

INPÂKNA HLABU 37:39

Mi felhai sandamna ruok chu Lalpa kuoma inthawk a ni a. Ama chu lunginzîng laia an kulbîng a ni hlak a.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

THUHRILTU 7:20

Indiktakin, hnuoi chunga hin mi fel thil ṭha thaw a, thil suksuol ngailo an um nawh.

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

EZEKIEL 14:20

Noa le Daniel le Job chu a sûnga chun um hai sienkhawm, Lalpa Pathien chun, ‘kei ka hring angin, naupa amanih, naunu amanih chu sanhim naw ni hai a, an felnain anni le anni chau chu in sanhim an tih,’ a tih.

HABAKKUK 2:4

En ta u, a lungril chu a chapo a, amaa chun ân dik naw a nih, Mi fel ruok chu a ringna lei chun hring a tih.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

LUKA 23:50

Chun, ngai ta, mi pakhat a hming Josef, rorêltu mi ṭhatak, feltak a um a,

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

GALATI 3:11

Chun, Pathien mithmuin tûkhawm Dân leiin thiem chang an um nawh ti ân lang zing a nih, “Ringna leia mifel chu hring a tih,” ti a ni si a,

DÂN PAHNINA 18:13

Lalpa in Pathien hmaa chun demkailo in ni ding a nih.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.