INṬANNA 6:8 - Pathien Lekhabu Inthieng (BSI)

⁸ Noa ruok chun Lalpa lunginsietna a chang a.

INṬANNA 6:8 ပူးပေါင်းရင်းမြစ်များ

INṬANNA 19:19

ngai ta, i siehlaw hin i lunginsietna a hmu a, ka hringna hi humhimin i zângaina chu nasatakin i suklang a; nisienlakhawm, tlânga sawn chu tlân thei naw ningah: thil ṭha nawtak hin mi hung nangin thi hlau rawi ka tih.

INPÂKNA HLABU 145:20

Lalpa chun ama hmangaituhai po po chu a vawng ṭha hlak, Mi rilo ruok chu sukbohmang vawng a tih.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

THUVARHAI 12:2

Mi ṭha chun Lalpa ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 3:4

Chuongchun, mihriem le Pathien mithmuah, Hrietthiemna ṭha le ditsakna hmûng i tih.

THUVARHAI 8:35

Tukhawm a mi hmu suoktu chun hringna chu a hmu suok a, Lalpa ditsakna chu chang a tih.

JEREMIA 31:2

Lalpa chun hieng hin a tih, “Mipui kâwlhnâma inthawka suokhai chu thlalêra khan lunginsietna an hmu a; Israelin châwlna a zawng lai chun,

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

MATTHAI 24:37

Chun, Noa damlai ang bawk khan Mihriem Naupa hung nâwkna chu nîng a tih.

LUKA 1:30

Chun, vântirko chun a kuomah, “Mari, ṭi naw, Pathien ngaisak zâwng i nih.

LUKA 17:26

“Noa dam laia thil umzie ang khan, Mihriem Naupa a hung nâwk nihai chun um bawk a tih.

THILTHAWHAI 7:46

Chu David chu Pathien mithmuin ditsak tlâkin a um a, Jakob Pathien ta dinga umna ding siempêk a hni a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:6

Lunginsietna lei a ni chun thilthaw lei ni ta naw ni; chuong a ni naw chun lunginsietna hi lunginsietna ni ta naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:4

Chun, sinthawtu hlaw chu lunginsietnaa ngai a ni naw a, bat anga ngai a ni lem a nih.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

GALATI 1:15

Chun, ka nu phîngsûnga inthawka a mi suktumtu le, a lunginsietna leia a mi kotu Pathien chun lungnitaka,

2 TIMOTHE 1:18

(Chu nia chun Lalpa kuomah zângaina hmu dingin Lalpa chun ruot raw se) Ephesia rawng a bâwl nasat zie kha i hriet ta bawk a nih.

TITA 2:11

Mi po po sandamna dingin Pathien lunginsietna chu a hung inlang ta si a.

TITA 3:7

Chuongchun, a lunginsietnaa thiem inchangtira hung umin, chatuona hringna beiseina ang peiin rohluotu dinga siemin um thei ei tih.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi naw a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.