INṬANNA 6:6 - Pathien Lekhabu Inthieng (BSI)

⁶ Chuongchun, Lalpa chun hnuoia hin mihriem a lo siem ta lei chun ân sîr hle a, lungril natnain a hmang pha ta a.

INṬANNA 6:6 ပူးပေါင်းရင်းမြစ်များ

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun Lalpain thil ṭha naw thaw a tum chu ân lêt a, mihai sukbohmangtu vântirko kuoma chun, “A hun ta ie, i kut inlet ta naw rawh,” a ta. Chun, Lalpa vântirko chu Jebus mi Arauna hrizâwl bula chun a um a.

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun Lalpa chun a hmu a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 110:4

Lalpa chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

INPÂKNA HLABU 119:158

Vervêktaka thawtuhai chu, ka en a, ka lungni naw a, I thu an zâwm naw leiin.

INPÂKNA HLABU 78:40

Thlalêra khan a chungah an va hel inzingin, Ram ṭâwla khan ama chu an va suklungngai inzing de!

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

INPÂKNA HLABU 95:10

Kum sâwm li sûng zet chu, chu suonhai chunga chun ka lungninaw a, “An lungrila ngaisuol hmang mi an na, Ka lampuihai khawm an hriet nawh,” ka ti a.

FESUOKNA 32:14

Chun, Lalpa chun a mihai chunga thâwng ka tih tia a hril thil ṭha naw chu a lâkkîr ta a.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

JEREMIA 18:7

Ieng huna khawm hnam amanih, lalram chungthuah hmalthla ding le sukchim ding le sukse dinga ka hril a,

JEREMIA 26:19

Juda ram lal Hezekia le, Juda mihai po po chun ama chu an that el am a nih? Lalpa chu a ṭi a, Lalpa ditsakna chu a hni a; chuongchun, Lalpa chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an ti a.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah an chunga sietna intlun a tum chu, Pathien chun ân lêt a; a thaw ta naw a.

MALAKI 3:6

“Kei Lalpa hi ka danglam ngai si naw a; chuleiin, nangni, aw Jakob naupasalhai, in bohmang naw a nih.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:29

Pathienin a thilthlâwnpêkhaia le a konaa chun a lungril a lêt ngai si naw a.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 32:36

Lalpa chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr lova a hmu pha chun.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

HEBRAIHAI 3:10

Chuongchun, chu thlâhai chunga chun ka lungni naw a, ‘An lungrilin an ngai suol rawp hlak a, Ka lampuihai khawm an hriet nawh,’ ka ti a,

HEBRAIHAI 3:17

Chun, tuhai chung âm a na kum sâwmli sûng a lungni naw kha? Suksuoltu, an ruong thlalêra tlu tahai chunga khan a ni naw am a nih?

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.

1 SAMUEL 15:29

Chun, Israelhai Thahrui chu inkhêl naw ni a, inkîr bawk naw nih; mihriem anga inkîr nâwk el mi a ni naw a,” a ta.

1 SAMUEL 15:35

Chuongchun, Samuel chun a thi ni chenin Saula chu a sir nâwk ta naw a; amiruokchu, Samuel chu Saula leiin a lungngai a nih; chun, Lalpa khawm chu Israelhai lal dinga Saula a lo siem chu ân sîr a nih.