INṬANNA 6:17 - Pathien Lekhabu Inthieng (BSI)

¹⁷ Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 6:17 ပူးပေါင်းရင်းမြစ်များ

INṬANNA 2:7

Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

INṬANNA 6:16

Lawnga chun tukver siem i ta, a chung tieng tawng khat chinah i zo ding a nih; chun, lawng kawtkhâr chu a pangah i hawng ding a nih; sâwng hnuoihnung le sâwng hnina le sâwng thumna neiin i siem ding a nih.

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

INṬANNA 7:15

Chuongchun, tisa po po hringna thuok nei taphawt chu a tuok peiin Noa kuomah lawnga chun an lût ta a.

INṬANNA 7:17

Chun, tui chu hnuoia hin ni sâwmli sûng po a lêt a, tui chu a hung pung a, lawng chu a hung lên kâng a, hnuoi chunga chun a chîm lâng pei ta a.

INṬANNA 7:4

Ni sari a la bâk a, chu hnunga chun hnuoi chunga hin ni sâwmli le zân sâwmli sûng ruo insûrtir ka ta; ka thilhring siem tinrêng hi hnuoi chunga inthawkin sukbohmang ka tih,” a ta.

INṬANNA 9:9

“Ngai ta u, keima ngeiin in kuoma le in hnunga in thlahai kuoma khawm ka thuthlung chu ka sukdet a nih;

JOB LEKHABU (THE BOOK OF JOB) 22:16

Chuonghai chu an hun hmain lâk hmangin an um a, Chuonghai lungphûm chu tuihnâr anga bunthlâk a ni ta kha.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

INPÂKNA HLABU 29:10

Lalpa chu Tuilêt lai khan lalah a ṭhung a, Anih, Lalpa chu kumkhuoa dingin lalah a ṭhung a nih.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 54:9

Chu chu ka ta dingin Noa tuihai ang kha a ni si a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

EZEKIEL 34:11

“Lalpa Pathien chun hieng hin a ti si a; Ngai ta, keima ngeiin, keiin ka berâmhai chu zawng ka ta, zawng suok bawk ka tih.

EZEKIEL 34:20

“Chuleichun, Lalpa Pathien chun an kuomah hieng hin a hril a: Ngai ta u, Keiin, kei ngeiin, ran ruol thâu le ran ruol chêr inkâra chun ro rêl ka ta.

EZEKIEL 5:8

Lalpa Pathien chun hieng ang hin a tih: Ngai ta u, kei hin, kei ngei hin ka dodâl cheu a nih; hnamhai mithmua ngei chun nangmaa chun rorêlna chu ka hung tirsuok ding a nih.

EZEKIEL 6:3

‘Nangni Israel tlânghai, Lalpa Pathien thu chu lo ngai ta u, Lalpa Pathien chun tlânghai le muolhai le, tui luongnahai le, phairuomhai kuoma chun hieng ang hin a tih; Ngai ta u, keiin, keima ngeiin, in chungah kâwlhnâm intlungtir ka ta, in bâwlhmunhai sukse vawng ka tih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

AMOS 9:6

vâna a pindanhai siem a, hnuoi chunga pindan inkuol siem a, tuisuoriet tuihai ko a, hnuoi chunga bunthlatu, a hming chu Lalpa a nih.

MATTHAI 24:39

tui a hung lêt a, an rênga a lâk hmang vawng hmakhat chu iengkhawm an hriet naw a; Mihriem Naupa hung nâwkna chu chuong ang bawk chu nîng a tih.

LUKA 17:27

Noa lawngah a lût a, tui a hung lêt a, an rênga a sukhlum vawng ni kha a tlung hmakhat chun, an fâkin an dâwn a, nuhmei pasal an innei hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:21

suol chun thinain ro a rêl ang takin, lunginsietna chun, felnain kumkhaw hringna changna khawp hielin ei Lalpa Isu Krista zârah ro a rêl theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:23

Suol man chu thina a ni si a; Pathien thilthlâwnpêk ruok chu ei Lalpa Krista Isu zârah chatuona hringna a nih.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi naw a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.